ନୂଆଦିଲ୍ଲୀ: ପଡୋଶୀ ଦେଶ ବାଂଲାଦେଶ, ପାକିସ୍ତାନ ଏବଂ ଆଫ୍ରିକୀୟ ଦେଶରେ ମଙ୍କିପକ୍ସ ରୋଗ ଚିହ୍ନଟ ପରେ ଦେଶକୁ ଘାରିଲା ମଙ୍କିପକ୍ସ ଭୟ । ଆକ୍ରାନ୍ତ ଚିହ୍ନଟ ନହେବା ପୂର୍ବରୁ ତତ୍ପରତା ପ୍ରକାଶ କଲେ କେନ୍ଦ୍ର ସରକାର । ମଙ୍କିପକ୍ସ ପାଇଁ ଦେଶର ସବୁ ବନ୍ଦର, ବିମାନ ବନ୍ଦର ଓ ସୀମାକୁ ସତର୍କ ସୂଚନା ଜାରି କରାଯାଇଛି । ମଙ୍କିପକ୍ସ ମାମଲା ଉପରେ ନଜର ରଖିବାକୁ ସମସ୍ତ ରାଜ୍ୟର ସରକାରଙ୍କୁ କୁହାଯାଇଛି । ବର୍ତ୍ତମାନ ପର୍ଯ୍ୟନ୍ତ ଦେଶରେ ମାଙ୍କିପକ୍ସ ମାମଲା ଚିହ୍ନଟ ହୋଇନାହିଁ । କିନ୍ତୁ ଏହା ପୂର୍ବରୁ ଦିଲ୍ଲୀର ତିନୋଟି ଡାକ୍ତରଖାନାରେ ଆଇସୋଲେସନ ୱାର୍ଡ କରିବାକୁ କେନ୍ଦ୍ର ସରକାର ନିର୍ଦ୍ଦେଶ ଦେଇଛନ୍ତି । ଆରଏମଏଲ, ସଫଦରଜଙ୍ଗ ଏବଂ ଲେଡି ହୋର୍ଡିଙ୍ଗ ମେଡିକାଲ କଲେଜ ଏଥିରେ ଅନ୍ତର୍ଭୁକ୍ତ । କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ସୂଚନା ଅନୁଯାୟୀ, ମଙ୍କିପକ୍ସ ଭାଇରସ ନେଇ ଗତକାଲି କିଛି ଅଧିକାରୀ ଓ ସ୍ୱାସ୍ଥ୍ୟ ବିଶେଷଜ୍ଞଙ୍କ ସହ ବୈଠକ କରାଯାଇଥିଲେ । ପୂର୍ବରୁ ବ୍ୟାପିଥିବା ଭାଇରସ ଠାରୁ ମଙ୍କିପକ୍ସ ଖୁବଶୀଘ୍ର ବ୍ୟାପୁଛି ।
ଏହି ଭାଇରସରେ ସଂକ୍ରମିତ ହେଲେ ମୃତ୍ୟୁ ହେବାର ଆଶଙ୍କା ଅଧିକ ଥିବା ବିଶେଷଜ୍ଞମାନେ ମତ ରଖିଛନ୍ତି । କିନ୍ତୁ ଏହି ଭାଇରସ ଭାରତରେ ପ୍ରଭାବ ପକାଇବାର ସମ୍ଭାବନା ବହୁତ କମ୍ ରହିଛି । କୋରୋନା ସହିତ ମଙ୍କିପକ୍ସର କୌଣସି ସମ୍ବନ୍ଧ ନଥିବା ବିଶେଷଜ୍ଞ କହିଛନ୍ତି । ମଙ୍କିପକ୍ସ ସନ୍ଦିଗ୍ଧଙ୍କ ପରୀକ୍ଷା ପାଇଁ ଓଉଗଜ ର ୩୨ ଲ୍ୟାବରେ ବ୍ୟବସ୍ଥା କରାଯାଇଛି । ସମସ୍ତ ଡାକ୍ତରଖାନାରେ ମଧ୍ୟ ନୋଡାଲ ଅଧିକାରୀ ନିୟୋଜିତ କରାଯାଇଛି । ମଙ୍କିପକ୍ସର ଲକ୍ଷଣ ଚିକେନ୍ ପକ୍ସ ସହିତ ସମାନ । ଏଥିରେ ଆକ୍ରାନ୍ତ ହେଲେ ଶରୀରରେ ନାଲି ଦାଗ ହେବା ସହ ସେହି ସ୍ଥାନ ଫୁଲି ଯିବ । ଜେବର ଲାଗି ରହିବା ସହ ଶରୀର ଦରଜ ରହିବ । ଆଫ୍ରିକାରେ ମଙ୍କିପକ୍ସ ମାଡି ଚାଲିଥିବା ବେଳେ ଏହାକୁ ନେଇ ବିଶ୍ୱ ସ୍ୱାସ୍ଥ୍ୟ ସଙ୍ଗଠନ ରେ ଗ୍ଲୋବାଲ ହେଲ୍ଥ ଏମରଜେନ୍ସି ବା ବୈଶିକ ଜନସ୍ୱାସ୍ଥ୍ୟ ଜରୁରୀ ସ୍ଥିତି ଘୋଷଣା କରିଛି । ସାରା ବିଶ୍ୱକୁ ଏହି ଭାଇରସ ବ୍ୟାପି ପାରେ ବୋଲି ଚେତାଇ ଦେଇଛି ହୁ । ବର୍ତ୍ତମାନ ସୁଦ୍ଧା ଏହି ଭାଇରସ ୧୧୬ ଦେଶକୁ ପ୍ରଭାବିତ କରିସାରିଛି । ଚଳିତବର୍ଷ ଆଫ୍ରିକାରେ ୫୨୪ ଜଣଙ୍କ ମୃତ୍ୟୁ ହୋଇଛି । ଯାହା କି ଗତବର୍ଷ ଠାରୁ ଅଧିକ ।
