ଦିଲ୍ଲୀ: ଦକ୍ଷିଣ ଦିଲ୍ଲୀରରେ ରହୁଥିବା ଜଣେ ଏୟାରହୋଷ୍ଟେସଙ୍କୁ ତାଙ୍କ ଘରେ ବଳାତ୍କାର କରିଥିବା ଅଭିଯୋଗରେ ଦିଲ୍ଲୀ ପୋଲିସ ଜଣେ ବ୍ୟକ୍ତିଙ୍କୁ ଗିରଫ କରିଛି। ଅଭିଯୁକ୍ତ ଜଣେ ରାଜନୈତିକ ଦଳର ସ୍ଥାନୀୟ ନେତା ଏବଂ ପୀଡିତାଙ୍କ ଜଣାଶୁଣା ।
ପୋଲିସର ସୂଚନାନୁସାରେ ପୀଡିତା ପୋଲିସକୁ କହିଛନ୍ତି ଯେ ଅଭିଯୁକ୍ତ ଖାନପୁରର ବାସିନ୍ଦା ହରଜିତ ଯାଦବଙ୍କ ସହ ପରିଚିତ ଏବଂ ସେ ଏକ ରାଜନୈତିକ ଦଳର ବ୍ଲକ ନେତା। ପୀଡିତା ପୋଲିସକୁ କହିଛନ୍ତି ଯେ ସେ ଗତ ଦେଢ଼ ମାସ ଧରି ଅଭିଯୁକ୍ତଙ୍କ ସହ ପରିଚିତ ଥିଲେ। ସେ କହିଛନ୍ତି ଯେ ଯାଦବ ରବିବାର ଦିନ ତାଙ୍କ ଘରକୁ ଆସି ତାଙ୍କୁ ବଳାତ୍କାର କରିଛି।
30 ବର୍ଷୀୟ ପୀଡିତା ପୋଲିସକୁ କହିଛନ୍ତି ଯେ ଯାଦବ ତାଙ୍କୁ ବଳାତ୍କାର କରିବା ପରେ ସେ କୌଣସି ପ୍ରକାରେ ତାଙ୍କୁ ଗୋଟିଏ କୋଠରୀରେ ତାଲା ପକାଇ 112 କୁ ଫୋନ କରିଥିଲେ। ଏହି ଘଟଣା ଦକ୍ଷିଣ ଦିଲ୍ଲୀର ମେହେରୁଲି ଅଞ୍ଚଳରେ ଘଟିଛି ।
ପୋଲିସ ମହିଳାଙ୍କ ଘରେ ପହଞ୍ଚି ଅଭିଯୁକ୍ତକୁ ଗିରଫ କରି ଧାରା 376 (ବଳାତ୍କାର), 323 (ସ୍ବେଚ୍ଛାକୃତ ଭାବେ ଆଘାତ ଦେବା ), 509 (ଶବ୍ଦ, ଅଙ୍ଗଭଙ୍ଗୀ କିମ୍ବା ମହିଳାଙ୍କ ନମ୍ରତାକୁ ଅପମାନିତ କରିବା) ଏବଂ 377 (ଅସ୍ୱାଭାବିକ ଅପରାଧ) ଅନୁଯାୟୀ ମାମଲା ରୁଜୁ କରାଯାଇଛି । ମହିଳାଙ୍କ ବିବୃତ୍ତି ଉପରେ ଆଧାର କରି ଭାରତୀୟ ଦଣ୍ଡ ସଂହିତା (ଆଇପିସି)ର ଉକ୍ତ ଧାରାରେ ଗିରଫ କରାଯାଇଛି ।
ପୋଲିସ କହିବା ଅନୁଯାୟୀ ରବିବାର ଦିନ ମହିଳାଙ୍କଠାରୁ ପିସିଆର ଏକ କଲ ପାଇଥିଲା ଯେ ମେହେରାଉଲି ପୋଲିସ ଷ୍ଟେସନ ଅଞ୍ଚଳରେ ତାଙ୍କ ଘରେ ପ୍ରବେଶ କରିଥିବା ଏକ ବ୍ୟକ୍ତି ତାଙ୍କୁ ବଳାତ୍କାର କରିଛି ।
ଅଭିଯୁକ୍ତଙ୍କୁ କୋର୍ଟରେ ହାଜର କରାଯାଇଛି ଏବଂ ତାଙ୍କୁ ନ୍ୟାୟିକ ହେପାଜତକୁ ପଠାଯାଇଛି।
ପୋଲିସ ଏହି ମାମଲାର ତଦନ୍ତ ଆରମ୍ଭ କରିଛି।