ମାଲକାନଗିରି : ସାରା ବିଶ୍ୱରେ ଏବେ କରୋନା ଆତଙ୍କ ଦେଖାଦେଇଛି । ଏହାକୁ ନେଇ ସରକାର ବିଭିନ୍ନ ପ୍ରକାର ସଚେତନ କରାଇବା ସହିତ ୨୨ ମାର୍ଚ ରବିବାର ଦିନ ଜନତା କର୍ଫ୍ୟୁ ଜାରି କରିଥିଲେ । କିନ୍ତୁ ମାଲକାନଗିରି ଜିଲ୍ଲା କାଲିମେଳା ବ୍ଲକ ଅନ୍ତର୍ଗତ ସୋନାଲି ଗ୍ରାମ ଏମଭି-୬୯ ରେ ଡ. ଉତ୍ତମ୍ ମଲ୍ଲ ଓ ଗ୍ରାମବାସୀ ନିଜ ଗାଁ ପାଇଁ ପ୍ରାକୃତିକ ମେଡ଼ିସିନ୍ ଦ୍ୱାରା ନିଜ୍ ଗାଁ ଲୋକଙ୍କୁ ସଚେତନ କରାଇବା ସହିତ ମାସ୍କ ବଣ୍ଟନ କରିଥିଲେ । ପ୍ରାକୃତିକ ଔଷଧ ପ୍ରସ୍ତୁତ କରି ନିଜ ଗାଁ କୁ କରୋନା ମୁକାବିଲା କରିବା ପାଇଁ ବର୍ତ୍ତମାନ ସୋନାଲି ଗ୍ରାମ ଏବେ ଚର୍ଚ୍ଚାରେ । କିଛି ନିମ୍ବ ପତ୍ର, ତୁଲସୀ ପତ୍ର,କର୍ପୁର, ଫିଟକିରି ଏହାକୁ ବ୍ୟବହାର କରି ଏନ୍ଟିବ୍ୟାକ୍ଟେରିଆ ଔଷଧ ପ୍ରସ୍ତୁତ କରି ସାମାଜକୁ ଏକ ବାର୍ତ୍ତା ଦେବା ସହ ନିଜ ଗ୍ରାମକୁ ସୁସ୍ଥ ବା କରୋନା ମୁକ୍ତ କରିବା ପ୍ରୟାସ କରିଛନ୍ତି । ଗ୍ରାମବାସୀଙ୍କ କହିବା ଅନୁସାରେ କିଛି ଗାଁ ରେ ଗରିବ ଲୋକଙ୍କ ପାଇଁ ମାସ୍କ କିଣିବା ସମ୍ଭବ ନୁହେଁ ଏବଂ ସାନିଟାଇଜର୍ କିଣିବା ସମ୍ବବ ନୁହେଁ ଓ ତେଣୁ ଗ୍ରାମବାସୀମାନେ ଉପସ୍ଥିତ ରହି ସହଯୋଗ କରି ଏହି ମେଡ଼ିସିନ୍ ପ୍ରସ୍ତୁତ କରିଛନ୍ତି । ସାମାଜ ସେବି ଉତ୍ତମ୍ ମଲ୍ଲ ଓ ଗ୍ରାମବାସୀମାନେ ଏହି ପଦେକ୍ଷପ ନେଇଛନ୍ତି । ଏହାକୁ ଦେଖି ଆଞ୍ଚଲର ଲୋକେ ବହୁତ୍ ପ୍ରସଂଶା ମଧ କରୁଛନ୍ତି ।