ଭୁବନେଶ୍ୱର: ଓଡିଶା ଉପକୂଳକୁ ଧିରେ ଧିରେ ପାଖେଇ ଆସୁଛି ବାତ୍ୟା ୟାସ । ଏବେ ପାରାଦୀପଠାରୁ ୨ଶହ କିମି ଦୂରରେ ରହିଛି ୟାସ୍ । ବାତ୍ୟା ଘଣ୍ଟାପ୍ରତି ୧୫ କିମି ବେଗରେ ଆଗକୁ ବଢୁଥିବା ସୂଚନା ମିଳିଛି । ଏନେଇ ତାଜା ସୂଚନା ପ୍ରଦାନ କରିଛନ୍ତି ଆଇଏମଡି ଡିଜି ମୃତ୍ୟୁଂଜୟ ମହାପାତ୍ର ।
ଅନ୍ୟପଟେ, ବାତ୍ୟା ୟାସକୁ ଦୃଷ୍ଟିରେ ରଖି ଯାଜପୁର ଜିଲ୍ଲା ପ୍ରଶାସନ ଚଣ୍ଡୀଖୋଲରୁ ବାଲେଶ୍ୱର ମଧ୍ୟରେ ଗାଡି ଚଳାଚଳ ଉପରେ କଚକଣା ଲଗାଇଛି । ଆଜି ରାତି ୧୨ଟାରୁ କାଲି ଦିନ ୧୨ ଯାଏଁ ଗାଡି ଚଳାଚଳ ବନ୍ଦ କରିଛି । ଚଣ୍ଡୀଖୋଲରୁ ବାଲେଶ୍ୱରକୁ କୌଣସି ଗାଡି ଛଡାଯିବନି ବୋଲି ଜିଲ୍ଲାପାଳ କହିଛନ୍ତି ।