ଥିରୁଅନନ୍ତପୁରମ: କେରଳର ୱାୟନାଡ୍ ସହରରେ କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କ କାର୍ଯ୍ୟାଳୟରେ ଘଟିଥିବା ଭଙ୍ଗାରୁଜା ଘଟଣାରେ ପୁଲିସ ଶନିବାର ଏସ୍କଏଫ୍ଆଇ (ଷ୍ଟୁଡେଣ୍ଟ୍ସ ଫେଡେରେସନ ଅଫ୍ ଇଣ୍ଡିଆ)ର ୧୯ ଜଣ କର୍ମୀଙ୍କୁ ଶନିବାର ଗିରଫ କରିଛି । ଏସ୍ଏଫ୍ଆଇ ହେଉଛି ସିପିଏମ୍ର ଛାତ୍ର ସଂଗଠନ ।
ଆଗାମୀ ଦିନରେ ଆଉ କେତେକଙ୍କୁ ଗିରଫ କରାଯିବ ବୋଲି ପୁଲିସ ପକ୍ଷରୁ କୁହାଯାଇଛି । ସ୍ଥାନୀୟ କୋର୍ଟରେ ହାଜର କରାଯିବାପରେ ବିଚାରପତି ସବୁ ଅଭିଯୁକ୍ତଙ୍କୁ ଦୁଇ ସପ୍ତାହ ପୁଲିସ ହାଜତରେ ରହିବାକୁ ନିର୍ଦ୍ଦେଶ ଦେଇଛନ୍ତି । କେରଳ ସରକାର ଜଣେ ଅତିକରିକ୍ତ ଡିଜି ପାହ୍ୟା ଅଧିକାରୀଙ୍କ ଦ୍ୱାରା ଏହି ଘଟଣାର ତଦନ୍ତ ପାଇଁ ନିର୍ଦ୍ଦେଶ ଦେଇସାରିଛନ୍ତି ।