ଭୁବନେଶ୍ୱର : ରାଜ୍ୟରେ କରୋନା ସାଙ୍ଗକୁ ଗ୍ରୀଷ୍ମ ପ୍ରବାହ ବଢିବାରେ ଲାଗିଛି । ଏହାରି ମଧ୍ୟରେ ଆଜି ରାଜ୍ୟର ୧୭ଟି ସହରର ତାପମାତ୍ରା ୪୦ ଡିଗ୍ରୀ ଉପରେ ରହିଛି । ୪୩,୨ ଡିଗ୍ରୀ ସହ ଭୁବନେଶ୍ୱର ଆଜି ରାଜ୍ୟର ସବୁଠାରୁ ଉତ୍ତପ୍ତ ସହର ହୋଇଛି ।
ସେହିପରି ବୌଦ୍ଧରେ ୪୨.୫, ବାରିପଦାରେ ୪୨.୪, ଟିଟିଲାଗଡରେ ୪୨ ଡିଗ୍ରୀ, ଝାରସୁଗୁଡାରେ ୪୧.୮, ନୟାଗଡ ଓ ସମ୍ବଲପୁରରେ ୪୧.୫ ଡିଗ୍ରୀ, ବଲାଙ୍ଗିରରେ ୪୧.୨, ତାଳଚେରରେ ୪୧.୧, ସୋନପୁର ଓ ସୁନ୍ଦରଗଡରେ ୪୧ ଡିଗ୍ରୀ, ଅନୁଗୁଳ ଓ ବାଲେଶ୍ୱରରେ ୪୦.୯, କଟକରେ ୪୦.୮, ଭବାନୀପାଟଣାରେ ୪୦.୬, ହୀରାକୁଦରେ ୪୦,୩ ଓ ମାଲକାନଗିରିରେ ତାତି ୪୦ ଡିଗ୍ରୀ ସେଲସିଅସ୍ ହୋଇଥିବା ରେକର୍ଡ କରାଯାଇଛି ।
