ନୂଆଦିଲ୍ଲୀ: ଦେଶରେ ଗତ ୬ଦିନ ଧରି ଲଗାତାର ୪୦ହଜାରରୁ ଅଧିକ କରୋନା ମାମଲା ସାମ୍ନାକୁ ଆସିଛି । ବର୍ତ୍ତମାନ ନୂଆ କରୋନା ମାମଲା ହ୍ରାସ ପାଇବାରେ ଲାଗିଛି । ମଙ୍ଗଳବାର ସକାଳେ ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ପ୍ରକାଶିତ ତଥ୍ୟ ଅନୂଯାୟୀ ଗତ ୨୪ଘଣ୍ଟା ମଧ୍ୟରେ ୩୦,୫୪୯ ନୂତନ କରୋନା ମାମଲା ସାମ୍ନାକୁ ଆସିଛି ଏବଂ ୪୨୨ ସଂକ୍ରମିତଙ୍କ ମୃତ୍ୟୁ ଘଟିଛି । ଗତ କିଛି ଦିନ ମଧ୍ୟରେ କେରଳରେ ସବୁଠୁ ଅଧିକ ୧୩ହଜାର ୯୮୪ ନୂଆ କରୋନା ମାମଲା ସାମ୍ନାକୁ ଆସିଛି । ଗତ ୨୪ଘଣ୍ଟା ମଧ୍ୟରେ ସମଗ୍ର ଦେଶରେ ୩୮ହଜାର ୮୮୭ ଲୋକ କରୋନାରୁ ସୁସ୍ଥ ହୋଇଥିବାବେଳେ କାଲି ୮୭୬୦ଟି ଆକ୍ଟିଭ କେସ୍ କମ ହୋଇଥିବା ସୂଚନା ମିଳିଛି ।
କେରଳରେ ଲଗାତାର ୬ଦିନ ଯାଏଁ ୨୦ ହଜାରରୁ ଅଧିକ ନୂତନ କୋଭିଡ ମାମଲା ସାମ୍ନାକୁ ଆସିବା ପରେ ସୋମବାରକୁ ସଂକ୍ରମଣର ୧୩ହଜାର ୯୮୪ ନୂଆ ମାମଲା ସାମ୍ନାକୁ ଆସିଛି । ଏହା ସହ ମୋଟ ସଂକ୍ରମିତଙ୍କ ସଂଖ୍ୟା ବଢି଼ ୩୪ଲକ୍ଷ ୨୫ହଜାର ୪୭୩ ରେ ପହଞ୍ଚିଛି । ଗତ ୨୪ଘଣ୍ଟାରେ ରାଜ୍ୟରେ ୧୧୮ କରୋନା ସଂକ୍ରମିତଙ୍କ ମୃତ୍ୟୁ ହୋଇଥିବାବେଳେ ମୃତ୍ୟୁ ହାର ବଢ଼ି ୧୬ହଜାର ୯୫୫ରେ ପହଞ୍ଚିଛି ।
ମହାମାରୀ ଆରମ୍ଭରୁ ଏବେ ପର୍ଯ୍ୟନ୍ତ ମୋଟ ୩କୋଟି ୧୭ଲକ୍ଷ ୨୬ହଜାର ଲୋକ ସଂକ୍ରମିତ ହୋଇଛନ୍ତି । ଏମାନଙ୍କ ମଧ୍ୟରୁ ୪ଲକ୍ଷ ୨୫ହଜାର ୧୯୫ଜଣଙ୍କର ମୃତ୍ୟୁ ହୋଇଛି । ତେବେ ୩କୋଟି ୮ଲକ୍ଷ ୯୬ହଜାର ଲୋକ ସୁସ୍ଥ ହୋଇ ଘରକୁ ଫେରିଥିବା ସୂଚନା ମିଳିଛି । ଦେଶରେ କରୋନା ସକ୍ରିୟ ମାମଲା ୪ଲକ୍ଷରୁ ଅଧିକ ରହିଛି । ବର୍ତ୍ତମାନ ସୁଦ୍ଧା ୪ଲକ୍ଷ ୪ହଜାର ୯୫୮ କରୋନା ସଂକ୍ରମିତ ଚିକିତ୍ସିତ ହେଉଛନ୍ତି ।
