କଳିଙ୍ଗ ସୁପର କପ୍ ୨୦୨୪ କୁ ଦେଖିବେ କେମିତି ?

ଭୁବନେଶ୍ୱର : କଳିଙ୍ଗ ସୁପର କପରେ ୧୬ ଟି ଦଳ ଅଂଶଗ୍ରହଣ କରିବେ ସେଥିମଧ୍ୟରେ ଉଭୟ ଆଇଏସ୍ଏଲ୍ ଏବଂ ଆଇ-ଲିଗ୍ ରହିଛନ୍ତି । ଜାନୁୟାରୀ ୯ ରୁ ୨୮ ପର୍ଯ୍ୟନ୍ତ ଭୁବନେଶ୍ୱରେ କଳିଙ୍ଗ ଷ୍ଟାଡିୟମରେ ହେବାକୁ ଥିବା ବହୁ ପ୍ରତୀକ୍ଷିତ କଳିଙ୍ଗ ସୁପର କପ୍ ୨୦୨୪ କୁ ଜିଓ ସିନେମା ପ୍ରସାରଣ କରିବ। ଉଭୟ ଇଣ୍ଡିଆନ୍ ସୁପର ଲିଗ୍ (ଆଇଏସ୍ଏଲ୍) ଏବଂ ଆଇ-ଲିଗ୍ ର ୧୬ ଟି ଦଳ ରହିଛନ୍ତି ଯାହାକୁ ପ୍ରଶଂସକମାନେ ଜିଓ ସିନେମାରେ ଦେଖିପାରିବେ । ଜାନୁଆରୀ ୯ ରୁ ଜାନୁୟାରୀ ୨୨ ପର୍ଯ୍ୟନ୍ତ ଚାଲିଥିବା ଗ୍ରୁପ୍ ପର୍ଯ୍ୟାୟ ତୀବ୍ର ପ୍ରତିଯୋଗିତା ପାଇଁ ପ୍ରଥେମ ସ୍ଥାନ ସ୍ଥିର କରାଯିବ । ଗ୍ରୁପ୍ ପର୍ଯ୍ୟାୟ ପରେ, ଜାନୁଆରୀ ୨୪ ଏବଂ ୨୫ ରେ ସେମିଫାଇନାଲ୍ ଧାର୍ଯ୍ୟ ହୋଇଛି, ପରେ ଜାନୁଆରୀ ୨୮ ରେ ଗ୍ରାଣ୍ଡ୍ ଫାଇନାଲ୍ ହେବ । ଅଂଶଗ୍ରହଣକାରୀ ଦଳଗୁଡିକ ପାଇଁ ସବୁଠାରୁ ରୋମାଞ୍ଚକର କଥା ହେଉଛି ୨୦୨୪-୨୫ ସିଜିନର ଏଫ୍ସି ଚାମ୍ପିଅନ୍ସ ଲିଗ୍ ୨ ପ୍ରାଥମିକ ପର୍ଯ୍ୟାୟରେ ବିଜେତାଙ୍କ ପାଇଁ ଏକ ବଡ ସୁଯୋଗ ରହିଛି । ଇଷ୍ଟ ବେଙ୍ଗଲ ଏଫସି ଏବଂ ହାଇଦ୍ରାବାଦ ଏଫସି ମଧ୍ୟରେ ଏକ ରୋମାଞ୍ଚକର ସଂଘର୍ଷ ସହ ଏହି ଟୁର୍ନାମେଣ୍ଟ ଆରମ୍ଭ ହେବ। ୨୦୧୮ ରେ ଫେଡେରେସନ୍ କପ୍ ବଦଳାଇ କଳିଙ୍ଗ ସୁପର କପ୍ ଭାରତୀୟ ଫୁଟବଲ୍ କ୍ୟାଲେଣ୍ଡରରେ ଏକ ମୂଳଦୁଆ ପାଲଟିଛି ।