ଏଠାରେ ରହିଛି ଦୁନିଆର ଦ୍ଵିତୀୟ ଭଗବାନ ଶିବଙ୍କର ବିଶାଳ ମୂର୍ତ୍ତି, ଜାଣନ୍ତୁ ଏହା ପଛର ପୌରାଣିକ କଥା

ପୌରାଣିକ କଥା ଅନୁଯାୟୀ, ରାବଣ ଯେଉଁ ସମୟରେ ଅମର ବର ପ୍ରାପ୍ତି ପାଇଁ ଭଗବାନ ଶିବଶଙ୍କର ତପସ୍ୟା କରୁଥିଲେ, ସେହି ସମୟରେ ଭଗବାନ ଶିବଶଙ୍କର ଖୁସି ହୋଇ ରାବଣକୁ ଏକ ଶିବଲିଙ୍ଗ ପ୍ରଦାନ କରିଥିଲେ। ଯାହାକୁ ଆତ୍ମଲିଙ୍ଗ ବୋଲି କୁହାଯାଏ। ଶିବଶଙ୍କର ରାବଣକୁ କହିଥିଲେ ତୁମେ ଯଦି ଅମର ହେବାକୁ ଚାହୁଁଛ ତେବେ ଏହାକୁ ଲଙ୍କାରେ ନେଇ ସ୍ଥାପିତ କର । ମାତ୍ର ଲଙ୍କା ପୂର୍ବରୁ ଯେଉଁଠାରେ ଏହାକୁ ରଖିବ ତାହା ସ୍ଥାପିତ ହୋଇଯିବ ।

ଏହାପରେ ରାବଣ ଶିବଲିଙ୍ଗ ନେଇ ଲଙ୍କା ଯିବା ସମୟରେ ରାସ୍ତା ମଝିରେ ଶିବଲିଙ୍ଗ ରଖିଦେଇଥିଲେ। ଯାହାଫଳରେ ତାହା ସେଠାରେ ହିଁ ସ୍ଥାପିତ ହୋଇଗଲା, ଏହା ପରେ ରାବଣକୁ କ୍ରୋଧ ଆସିବା ଯୋଗୁଁ ସେ ଶିବଲିଙ୍ଗକୁ ନଷ୍ଟ କରିବାକୁ ପ୍ରୟାସ କରିଥିଲା। ଏହି କ୍ରମରେ ଯେଉଁ ବସ୍ତ୍ରରେ ଶିବଲିଙ୍ଗରେ ବ୍ୟବହାର ହୋଇଥିଲା, ତାହା ମ୍ରିଦେଶ୍ୱରର କାନଡୁକା ପର୍ବତରେ ପଡ଼ିଲା। ମ୍ରିଦେଶ୍ୱରକୁ ହିଁ ଏବେ ମୁରୁଦେଶ୍ୱର ନାମରେ ଜଣାଶୁଣା। ଶିବ ପୁରାଣରେ ଏହି ବିଷୟରେ ସମ୍ପୂର୍ଣ୍ଣ ଭାବେ ବର୍ଣ୍ଣନା କରାଯାଇଛି।