ମୁମ୍ୱାଇ: ଏବେ ବେଶ୍ କିଛି ଦିନରୁ ହେଡଲାଇନରେ ଅଛନ୍ତି ସଲମାନଙ୍କ ଏକ୍ସ–ଭାଉଜ । ନିଜର ବ୍ୟକ୍ତଗତ ଲାଇଫକୁ ନେଇ ଖୁବ ଚର୍ଚ୍ଚାରେ ଅଛନ୍ତି ମଲାଇକା ଅରୋରା । ପୂର୍ବରୁ ଅରବାଜ ଖାନ ଏବଂ ମଲାଇକା ଅରୋରା ବଲିଉଡର ପାଓ୍ବାର କପଲ୍ ଭାବରେ ବେଶ୍ ପରିଚିତ ଥିଲେ । କିନ୍ତୁ ଏବେ ଏମାନେ ଅଲଗା ହୋଇଯାଇଛନ୍ତି ।
ମଲାଇକା ଅର୍ଜୁନ କପୁରଙ୍କ ସହ ରିଲେସନରେ ରହୁଥିବା ବେଳେ ଦୁହିଁଙ୍କ ବିବାହ ଚର୍ଚ୍ଚାକୁ ନେଇ ସବୁବେଳେ ଇଣ୍ଡଷ୍ଟ୍ରି ସରଗରମ । ନିକଟରେ ନିଜର ଲାଇଭ୍ ଶୋକୁ ନେଇ ବେଶ୍ ଲୋକଲୋଚନକୁ ଫେରିଥିଲେ ମଲାଇକା । ଏବେ ନିଜର ବୟାନକୁ ନେଇ ଫ୍ୟାନ୍ସଙ୍କୁ ଆଟ୍ରାକ୍ଟ କରିବାକୁ ପ୍ରୟାସ କରିଛନ୍ତି ।
ପ୍ରାୟତଃ ଇଣ୍ଡଷ୍ଟ୍ରିରେ ଶୁଣିବାକୁ ମିଳିଥାଏ ଯେ ମଲାଇକାଙ୍କ କ୍ୟାରିଅର କରିବା ପଛରେ ବଡ ହାତ ରହିଛି ସଲମାନଙ୍କର । କିନ୍ତୁ ଏହି କଥାରେ ଏବେ ଭଡକି ଯାଇଛନ୍ତି ମଲାଇକା ଅରୋରା । କଥା କଣ କି ବଲିଉଡର ଡ୍ରାମା କୁଇନ୍ ରାକ୍ଷୀ ସାଓ୍ବନ୍ତ ମଲାଇକାଙ୍କୁ ଟାର୍ଗେଟ କରିଥିଲେ । ସେ କହିଛନ୍ତି ଯେ ମଲାଇକା ସଲମାନଙ୍କ ପରିବବାରର ହୋଇଥିବାରୁ ତାଙ୍କୁ ଟିଭି ଶୋରେ ଆଇଟମ ଗର୍ଲର ଟ୍ୟାଗ ମିଳିଛି । ସେ ଖାନ ପରିବାର ସହ ଥିବାରୁ ଇଣ୍ଡଷ୍ଟ୍ରିରେ ଅନେକ ସୁଯୋଗ ପାଇଛନ୍ତି ।
ବାସ୍ ଏତିକିରେ ରାଗି ଯାଇଛନ୍ତି ମଲାଇକା । ସେ ରାକ୍ଷୀଙ୍କୁ ମୁଁତୋଡ ଜବାବ ଦେଇଛନ୍ତି । ସେ କହିଛନ୍ତି ଯେ ଯଦି ସଲମାନଙ୍କ ଯୋଗୁଁ ତାଙ୍କୁ ଇଣ୍ଡଷ୍ଟ୍ରିରେ ପରିଚୟ ମିଳିଛି ତେବେ ତେବେ ସେ ସଲମାନଙ୍କ ପ୍ରତ୍ୟେକ ଫିଲ୍ମରେ ଆଇଟମ୍ ଗୀତ କରିବା ଉଚିତ୍ । ମଲାଇକା ଆହୁରି ମଧ୍ୟ କହିଛନ୍ତି, ‘ମୁଁ ନିଜେ ତିଆରି ହୋଇଛି ଏବଂ ସଲମାନ ଖାନ ମୋତେ ତିଆରି କରିନାହାଁନ୍ତି’ । ତେବେ କହିବାକୁ ଗଲେ ମଲାଇକା ନିଜର ଶୋ ‘ମୁଭିଙ୍ଗ୍ ଇନ୍ ଉଇଥ୍ ମଲାଇକା’ରେ ନଜର ଆସିବେ । ଏହାକୁ ଡିଜନି ପ୍ଲସ୍ ହଟଷ୍ଟାରରେ ଦେଖିପାରିବେ ଫ୍ୟାନ୍ସ ।
