ଭୁବନେଶ୍ୱର : ପରିବର୍ତ୍ତନ ଜୀବନଶୈଳୀ ଏବଂ ଖରାପ ଖାଇବା ପିଇବା ଅଭ୍ୟାସ ହେତୁ ଅଧିକାଂଶ ଲୋକ ମଧୁମେହ ରୋଗର ଶିକାର ହେଉଛନ୍ତି। ଏହାକୁ ଏଡାଇବା ପାଇଁ, ସମସ୍ତ ପ୍ରକାରର ଉପାୟ ଗ୍ରହଣ କରୁଥିବା ଲୋକମାନେ, ଥରେ ମନ୍ଦାର ଫୁଲ ଚା’ ଟ୍ରାଏ କରିବା ଉଚିତ୍। ଏହା ଦ୍ୱାରା ଆପଣଙ୍କୁ ଅନେକ ପ୍ରକାରର ଲାଭ ମିଳିବ। ଆସନ୍ତୁ ଜାଣିବା ସେହି ବିଷୟରେ
ମନ୍ଦାର ଫୁଲରେ ରହିଥାଏ ଏହି ଗୁଣ :
ମନ୍ଦାର ଫୁଲ ଏବଂ ପତ୍ରରେ ବିଟା-କାରୋଟିନ୍, ଭିଟାମିନ୍-ସି ପରି ଆଣ୍ଟିଅକ୍ସିଡାଣ୍ଟ ମିଳିଥାଏ, ଯାହା ଆପଣଙ୍କ ଶରୀରକୁ ଫିଟ୍ ରଖିଥାଏ। ଏହି ଆଣ୍ଟିଅକ୍ସିଡାଣ୍ଟଗୁଡିକ ଆପଣଙ୍କ ଶରୀରକୁ ଫ୍ରୀ ରେଡିକାଲରୁ ରକ୍ଷା କରିଥାଏ। ଯଦି ଆପଣ ମଧୁମେହ, କର୍କଟ ଏବଂ ହୃଦୟ ସମ୍ବନ୍ଧୀୟ ରୋଗରେ ପୀଡିତ, ତେବେ ଏହା ଆପଣଙ୍କ ପାଇଁ ଅତ୍ୟନ୍ତ ଲାଭଦାୟକ ପ୍ରମାଣୀତ ହେବ।
କୋଲେଷ୍ଟ୍ରଲ କଣ୍ଟ୍ରୋଲରେ ରହିଥାଏ :
ବ୍ଲଡ ସୁଗାରକୁ ନିୟନ୍ତ୍ରଣ କରିବା ସହିତ କୋଲେଷ୍ଟ୍ରଲକୁ ନିୟନ୍ତ୍ରଣ କରିବାରେ ବି ମନ୍ଦାର ଫୁଲ ଚା’ ସହାୟକ ହୋଇଥାଏ। ଆପଣଙ୍କ ଶରୀରରେ ଗୁଡ୍ ଏବଂ ବ୍ୟାଡ୍ କୋଲେଷ୍ଟ୍ରଲର ସ୍ତର ନିୟନ୍ତ୍ରଣରେ ରହିଥାଏ, ଯାହା ହୃଦଘାତର ସମ୍ଭାବନାକୁ ମଧ୍ୟ ହ୍ରାସ କରିଥାଏ।
ଓଜନ କମ୍ କରିଥାଏ :
ବହୁତ କମ୍ ଲୋକ ଜାଣନ୍ତି ଓଜନ ହ୍ରାସ କରିବାରେ ମନ୍ଦାର ଫୁଲ ବହୁତ ଲାଭଦାୟକ ହୋଇଥାଏ। ଏଥିରେ ଥିବା ଗୁଣଗୁଡ଼ିକ ମେଟାବୋଲିଜିମ୍ କୁ ବଢାଇଥାଏ, ଯାହା ଶରୀରର ଓଜନକୁ ହ୍ରାସ କରିଥାଏ।
ଶରୀର ଫୁଲିବା କମିଥାଏ :
ମନ୍ଦାର ଚା’ ପିଇବା ଦ୍ୱାରା ଶରୀର ଫୁଲିବା ସମସ୍ୟା କମିଥାଏ। ମନ୍ଦାରରେ ଆଣ୍ଟି-ଇନ୍ଫ୍ଲାମେଟୋରୀ ଗୁଣ ଥାଏ, ଯାହା ଫୁଲାକୁ କମ୍ କରିବାରେ ସହାୟକ ହୋଇଥାଏ। ମନ୍ଦାର ଚା’ ପିଇବା ଦ୍ୱାରା ଆପଣ ଅନେକ ରୋଗରୁ ଦୂରେଇ ରହିଥାନ୍ତି।
ମଧୁମେହ ରୋଗୀଙ୍କ ପାଇଁ ଲାଭଦାୟକ ମନ୍ଦାର ଫୁଲ ଚା’
