ଉଦଳା : ଭାରତୀୟ ପରମ୍ପରାରେ ଵାର ମାସରେ ତେର ପର୍ବ । ଏଠାରେ ପାହାଡ,ପର୍ଵତ,ନଦୀ,ସମୁଦ୍ର, ଵୃକ୍ଷ, ଲତା,ଗାଈ ଵଳଦ,ରଥ,ପଥ ସମସ୍ତେ ଦେଵତା । ଏଠାରେ ସମସ୍ତ ଙ୍କୁ ପୂଜା କରିଵାର ପରମ୍ପରା ରହିଛି । ସେଥି ମଧ୍ୟରୁ ଚୂଲି ପୂଜା ଅନ୍ୟତମ ।
ଚୂଲି କହିଲେ ଆଜିକାଲିର ଲୋକେ ସହଜରେ ଵୁଝି ପାରିଵେ ନାହିଁ । ଆଜି ଆଧୁନିକ ଯୁଗରେ ଗ୍ୟାସ ଚୁଲା,ବିଦ୍ୟୁତ ଚୂଲା ର ବ୍ୟାପକ ବ୍ୟବହାର ଯୋଗୁଁ ଲୋକମାନେ ଚୂଲିର ବ୍ୟବହାର କରୁ ନାହାନ୍ତି । ଆମର ପୂର୍ବ ପୁରୁଷ ଏହି ଚୂଲି ସାହାର୍ଯ୍ୟରେ ରୋଷେଇ କରୁଥିଲେ । ଏଵେ ମଧ୍ୟ ଗାଁ ମାନଙ୍କରେ ଚୂଲି ରୋଷେଇ ଦେଖିଵାକୁ ମିଳେ । ଏହି ଚୂଲି ରୋଷେଇ ରେ ଖାଦ୍ଯ ସ୍ଵାଦିଷ୍ଟ ହୋଇଥାଏ ।
ଆଜି ପଵିତ୍ର ଵାମନ ଜନ୍ମ । ସୁନିଆ, କାଳୀୟ ଦଳନ ଏକାଦଶୀ । ଆଜିର ଦିନରେ ଓଡ଼ିଶାର ଗାଁ ଗହଳିରେ ଚୂଲି ପୂଜା ବା ଅରାନ୍ଧିଆ ପର୍ଵ ପାଳିତ ହୁଏ । ପୂରାଣ ଵର୍ଣ୍ଣିତ ଆଜିର ଦିନରେ ଭଗଵାନ ଶ୍ରୀ କୃଷ୍ଣ କାଳିୟ ହ୍ରଦରେ କାଳୀନାଗକୁ ଦଳନ କରିଥିଲେ । ତାକୁ ଦେଖିଵା ପାଇଁ ଗୋପ ଓ ମଥୁରାରୁ ଲକ୍ଷ ଲକ୍ଷ ଲୋକ ଯାଇଥିଲେ । ଯେଉଁ ମାନେ ରୋ ଷେଇ ନ କରି ଯାଇଥିଲେ, ସେମାନଙ୍କୁ ଗୋପ ପୁରିଆ କୁହାଯାଏ । ଆଉ ଯେଉଁ ମାନେ ରୋଷେଇ ସାରି ଯାଇଥିଲେ ସେ ମାନଙ୍କୁ ମଥୁରା ପୁରିଆ କୁହାଯାଏ । ଆଜିର ଦିନରେ ମଧ୍ୟ ଏହି ଉତ୍ସବ କୁ ଦୁଇ ପ୍ରକାର ପାଳନ କରାଯାଏ । କିଛିଲୋକ ରୋଷେଇ ନକରି ଚୂଲି ପୂଜା କରୁଥିବା ଵେଳେ ଆଉକିଛି ଲୋକ ରୋଷେଇ ପରେ ପୂଜା କରନ୍ତି । ଯେଉଁ ଫୁଲ ସାଧାରଣ ଠାକୁର ପୂଜାରେ ଲାଗେ ଏହି ପୂଜା ରେ ତାହା ଲାଗେନାହିଁ, କିଛି ଅପୂଜା ଫୁଲ ଯଥା କଇଁ, କାକୁଡି, କଖାରୁଫୁଲରେ ଏହିପୂଜା
ହୋଇଥାଏ ।
ଓଡିଶା ଏକ ଧର୍ମ ନିରପେକ୍ଷ ରାଜ୍ୟ । ଏଠାରେ ସମସ୍ତ ଙ୍କୁ ସମ୍ମାନ କରାଯାଇ ଦେଵତୁଲ୍ୟ ମାନିବାର ପରମ୍ପରା ଆଵାହମାନ କାଳରୁ ପ୍ରଚଳିତ ହୋଇଆସୁଛି । ଯିଏ ଆମକାମରେ ଆସନ୍ତି । ତାଙ୍କୁ ବର୍ଷ ରେ ଗୋଟିଏ ଦିନ ଵିଶ୍ରାମ ଦିଆଯାଇ ପୂଜା କରାଯାଏ । ଏପରିକି ଗୈଣି,ପାଛିଆ, କୁଲା,ହଳ,ଲଙ୍ଗଳ ସମସ୍ତ ଙ୍କୁ ପୂଜାର୍ଚ୍ଚନା କରାଯାଏ । ଵିଷେଶ କରି ମା”ମାନେ ସଵୁଦିନ ରୋଷେଇ କରିଥାନ୍ତି । ଆଜି ଦିନରେ ରୋଷେଇ ହେଉଥିବା ଚୂଲିକୁ ପୂଜା କରିଵା ଦ୍ଵାରା ମା ମାନେ ଵିଶ୍ରାମ ପାଇଥାନ୍ତି ।
