ନୂଆଦିଲ୍ଲୀ : ଭାରତୀୟ ବାୟୁସେନା ବୁଧବାର ଦିନ ମିଗ୍ 21 ପାଇଲଟ୍ ୱିଙ୍ଗ୍ କମାଣ୍ଡର ଅଭିନନ୍ଦନ ବର୍ଦ୍ଧମାନଙ୍କୁ ଗ୍ରୁପ୍ କ୍ୟାପଟେନ ପଦରେ ପଦୋନ୍ନତି କରିଛି । ପାକିସ୍ତାନର ଏକ ଆତଙ୍କବାଦୀ ଶିବିରରେ 2019 ଫେବୃଆରୀରେ ହୋଇଥିବା ଏୟାର ଷ୍ଟ୍ରାଇକରେ ତାଙ୍କର ଭୂମିକା ପାଇଁ ଏହି ଅଧିକାରୀଙ୍କୁ ଶୌର୍ଯ୍ୟ ଚକ୍ର ପୁରସ୍କାର ପ୍ରଦାନ କରାଯାଇଥିଲା । କୁହାଯାଇଛି ଯେ ବୋର୍ଡର ଆଦର୍ଶ ଅନୁଯାୟୀ ତାଙ୍କର ପଦୋନ୍ନତି କରାଯାଇଛି । ସେ ଚଳିତ ବର୍ଷ ନିଜ ପଦ ଗ୍ରହଣ କରିବେ । ଗ୍ରୁପ୍ କ୍ୟାପଟେନ୍ ଭାରତୀୟ ସେନାର ଜଣେ କର୍ଣ୍ଣେଲଙ୍କ ସହ ସମାନ ।
27 ଫେବୃଆରୀ 2019 ରେ, ବାଲାକୋଟ ଷ୍ଟ୍ରାଇକର ଗୋଟିଏ ଦିନ ପରେ ଜମ୍ମୁ କାଶ୍ମୀରର ରାଜୋରୀ-ମେଘର ସେକ୍ଟର ଲାଇନ୍ ଅଫ୍ କଣ୍ଟ୍ରୋଲ୍ (LoC) ରେ ପାକିସ୍ତାନୀ ଯୁଦ୍ଧ ବିମାନକୁ ଅଟକାଇଥିଲେ । ଏହା ପରେ ୱିଙ୍ଗ କମାଣ୍ଡର ଅଭିନନ୍ଦନଙ୍କ ମିଗ -21 ବିସନ ବିମାନ ପାକିସ୍ତାନୀ F-16 ବିମାନକୁ ପିଛାକାରୀ ଦୁର୍ଘଟଣାଗ୍ରସ୍ତ ହୋଇଥିଲା ଏବଂ ସେ ପାକିସ୍ତାନ ଅକ୍ତିଆର ଥିବା କାଶ୍ମୀର (PoK) ସୀମାରେ ପହଞ୍ଚି ସେଠାରେ ପାରାସୁଟ ଅବତରଣ କରିଥିଲେ । ଏହାପରେ ପାକିସ୍ତାନର ଲୋକମାନେ ତାଙ୍କ ଉପରେ ଆକ୍ରମଣ କରିଥିଲେ । ପରେ କମାଣ୍ଡର ଅଭିନନ୍ଦନଙ୍କୁ ପାକିସ୍ତାନୀ ସୈନିକ କାବୁ କରି ନେଇଥିଲେ ଏବଂ ସେ ଅଭିନନ୍ଦନଙ୍କ ଏକ ଭିଡିଓ ଜାରି କରିଥିଲେ ଯେଉଁଥିରେ ତାଙ୍କ ଆଖିରେ ପାଟି ଥିବା ଏବଂ ଶରୀର ରକ୍ତରେ ଜୁଡୁବୁଡୁ ଥିବା ଦେଖିବାକୁ ମିଳିଥିଲା ।
