ଅଣସର ଘରେ ମହାପ୍ରଭୁ: ଅଲାରନାଥ ପୀଠରେ ଭକ୍ତଙ୍କ ଭିଡ଼

ପୁରୀ: ପବିତ୍ର ଅଣସର ସମୟରେ ଭକ୍ତଙ୍କ ପାଇଁ ଅଲାରନାଥ ପୀଠ ପାଲଟିଛି ଆସ୍ଥାର କେନ୍ଦ୍ର । ବ୍ରହ୍ମଗିରି ସ୍ଥିତ ଶ୍ରୀ ଅଲାରନାଥଙ୍କ ମନ୍ଦିରରେ ଦିନକୁ ଦିନ ଭକ୍ତଙ୍କ ସମାଗମ ବଢିବାରେ ଲାଗିଛି । ଦୂରଦୂରାନ୍ତରୁ ଆସୁଥିବା ଶ୍ରଦ୍ଧାଳୁମାନେ ଧାଡିରେ ରହି ଅଲାରନାଥଙ୍କ ଦର୍ଶନ କରୁଛନ୍ତି । ମହାପ୍ରଭୁ ଜ୍ୱରରେ ପୀଡିତ ହୋଇ ଅଣସର ଘରେ ଗୁପ୍ତ ସେବା ପାଉଥିବା ବେଳେ ଅଲାରନାଥଙ୍କୁ ଶ୍ରୀଜଗନ୍ନାଥଙ୍କ ସ୍ୱରୁପ ଭାବେ ଦର୍ଶନ କରୁଛନ୍ତି ଭକ୍ତମାନେ । ଏହି ସମୟରେ ଅଲାରନାଥଙ୍କ ନିକଟରେ ସ୍ୱତନ୍ତ୍ର ନୀତିକାନ୍ତି ସହ ଭୋଗ ଲାଗି ହେଉଛି । ଭକ୍ତଙ୍କ ସୁବିଧା ପାଇଁ ମନ୍ଦିର ପ୍ରଶାସନ ପକ୍ଷରୁ ବିଭିନ୍ନ ବ୍ୟବସ୍ଥା କରାଯାଇଛି । ଶୃଙ୍ଖଳିତ ଦର୍ଶନ, ପାନୀୟ ଜଳ ଓ ଅନ୍ୟାନ୍ୟ ସୁବିଧା ଉପରେ ଗୁରୁତ୍ୱ ଦିଆଯାଇଛି ।