ରାଷ୍ଟ୍ରପତି ପୁରସ୍କାରପ୍ରାପ୍ତ ଶିକ୍ଷକଙ୍କୁ ଆକ୍ରମଣ

ଭୁବନେଶ୍ୱର: ରାୟଗଡା  ଜିଲ୍ଲାର  ରାଷ୍ଟ୍ରପତି ପୁରସ୍କାର ପ୍ରାପ୍ତ  ଶିକ୍ଷକ ଦ୍ୱିତୀଚନ୍ଦ୍ର  ସାହୁଙ୍କୁ ଭୁବନେଶ୍ୱର ରେଳବାଇ ଷ୍ଟେସନ ନିକଟରେ ମରଣାନ୍ତକ ଆକ୍ରମଣ ହୋଇଥିବା ଜଣାପଡିଛି ।  ସୂଚନାରୁ ଜଣାପଡିଛି ଯେ,   ଦ୍ୱିତୀଚନ୍ଦ୍ର ସାହୁ  ସରକାରୀ କାର୍ଯ୍ୟରେ  ଭୁବନେଶ୍ୱର ଯାଇଥିଲେ । ଭୁବନେଶ୍ୱର ରେଳବାଇ ଷ୍ଟେସନ ନିକଟରେ  ସେ ଚାଲିଚାଲି ଯାଉଥିବା ବେଳେ   ଅଜଣା ଦୁର୍ବୃତ୍ତ ତାଙ୍କୁ  କାଠଫାଳିଆରେ ତାଙ୍କୁ ଆକ୍ରମଣ କରିଥିବା ଜଣାପଡିଛି । ଆକ୍ରମଣ ଘଟାଇ ଘଟଣାସ୍ଥଳରୁ ଫେରାର ହୋଇଯାଇଛି ଦୁର୍ବୃତ୍ତ ।  ଆକ୍ରମଣରେ ତାଙ୍କ ମୁଣ୍ଡ ଫାଟିଯାଇ  ଗଭୀର କ୍ଷତ ସୃଷ୍ଟି ହୋଇଛି ।  ଗୁରୁତର ଅବସ୍ଥାରେ ତାଙ୍କୁ   ଡାକ୍ତରଖାନାରେ ଭର୍ତ୍ତି କରାଯାଇଛି ।  କିଏ ଓ କାହିକି ଆକ୍ରମଣ କଲା ପୋଲିସ ତଦନ୍ତ କରୁଛି ।