ନାଏବ ସରପଞ୍ଚଙ୍କ ସନ୍ଦେହଜନକ ମୃତ୍ୟୁ

ରାୟଗଡା: ରାୟଗଡା ଜିଲ୍ଲା  ଗୁଣପୁର ଥାନା ଅନ୍ତର୍ଗତ  ଡମ୍ବସରା ଗ୍ରାମର ଜଣେ ବିବାହିତ  ମହିଳାଙ୍କ ସନ୍ଦେହଜନକ ମୃତ୍ୟୁ ହୋଇଛି ।  ମୃତ ମହିଳା ଜଣକ ରଂଜିତା ତ୍ରିପାଠୀ । ସେ ଡମ୍ବସରା ଗ୍ରାମ ପଞ୍ଚାୟତର ନାଏବ ସରପଞ୍ଚ ବୋଲି ଜଣାପଡିଛି ।  ତେବେ ମୃତ୍ୟୁ ର କାରଣ ଅସ୍ପଷ୍ଟ ରହିଛି ।  ମୃତ  ରଂଜିତାଙ୍କ ପରିବାର ବର୍ଗ ଗୁଣପୁର ଥାନାରେ  ଦ୍ୱାରସ୍ଥ ହୋଇ  ଏହା ହତ୍ୟା ନା ଆତ୍ମହତ୍ୟା ଘଟିଛି  ଏହା ସଠିକ ତଦନ୍ତ ପାଇଁ  ଗୁଣପୁର ଥାନାରେ  ଲିଖିତ ଅଭିଯୋଗ କରିଛନ୍ତି । ମିଳିଥିବା ସୂଚନା ଅନୁସାରେ, ମୃତ ରଂଜିତା ଡମ୍ବସରା ଗ୍ରାମର ନରସିଂହ ତ୍ରିପାଠୀଙ୍କୁ ୨୦୦୭ ମସିହାରେ  ବିବାହ କରିଥିଲେ ।  ତେବେ କୌଣସି କାରଣବଶତଃ ଗତକାଲି ରଂଜିତାଙ୍କ ମୃତ୍ୟୁ ଘଟିଥିଲା । ସଙ୍ଗେ ସଙ୍ଗେ ପରିବାର ବର୍ଗ  ରଂଜିତାଙ୍କୁ ଉଦ୍ଧାର କରି ଗୁଣପୁର  ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଥିଲେ  ବି ଡାକ୍ତର ତାଙ୍କୁ  ମୃତ ଘୋଷଣା କରିଥିଲେ ।  ତେବେ ପରିବାରବର୍ଗଙ୍କ  ଅଭିଯୋଗ ଆଧାରରେ  ଗୁଣପୁର ପୋଲିସ  ଶବକୁ ଜବତ କରିବା ସହ ମାମଲା ରୁଜୁ କରି ତଦନ୍ତ ଜାରି ରଖିଛି ।