ସମ୍ବଲପୁର : ସମ୍ବଲପୁର ଜିଲ୍ଲା ଶାସନ ଥାନା ଅନ୍ତର୍ଗତ ପରମାଣପୁର ରାସ୍ତାର କୁକୁଡ଼ାପାଲିରେ ଏକ ବସ୍ ଓ ବାଇକ ମଧ୍ୟ ଧକ୍କା ହେବାରୁ ୨ ଜଣଙ୍କର ମୃତ୍ୟୁ ଘଟିଛି। ଉଭୟ ମୃତକ ବାଇକ ଆରୋହୀ।
ମୃତକ ଦ୍ୱୟ ହେଉଛନ୍ତି କୁସନପୁରୀ ଗାଁର ସରୋଜ ନାୟକ ଓ ଡୁଙ୍ଗେରପାଲି ଗାଁର ସବିତା ନିଖଣ୍ଡିଆ। ଉଭୟଙ୍କୁ ଡାକ୍ତରଖାନା ନିଆଯାଇଥିଲେ ହେଁ ସେଠାରେ ସେମାନଙ୍କୁ ମୃତ ଘୋଷଣା କରାଯାଇଥିଲା। ଘଟଣାସ୍ଥଳରେ ହିଁ ସେମାନଙ୍କର ମୃତ୍ୟୁ ଘଟିଥିଲା। ଏହି ଦୁର୍ଘଟଣା ପରେ ବସ୍ ଡ୍ରାଇଭର ଅଇଁଠାପାଲି ଥାନାରେ ଆତ୍ମସମର୍ପଣ କରିଥିଲେ। ବସ୍ଟିକୁ ମଧ୍ୟ ସେ ଥାନାକୁ ନେଇଯାଇଥିଲେ।
