ମଧ୍ୟପ୍ରଦେଶ: ପ୍ରସିଦ୍ଧ ଭାଗୋରିଆ ପର୍ବ ସମୟରେ ଦୁଇଜଣ ଆଦିବାସୀ ମହିଳାଙ୍କୁ ନିର୍ଯାତନା ଦିଆଯିବାର ଭିଡିଓ ଭାଇରାଲ ହେବା ପରେ ପନ୍ଦର ଜଣଙ୍କୁ ଗିରଫ କରିଛି ଆଲିରାଜପୁର ପୋଲିସ। କିଛି ବ୍ୟକ୍ତି ଦୁଇଜଣ ମହିଳାଙ୍କୁ ନିର୍ଯାତନା ଦେଉଥିବା ଭୟଙ୍କର ଭିଡିଓ ସୋସିଆଲ ମିଡିଆରେ ଭାଇରାଲ ହେବା ମାତ୍ରେ ପୋଲିସ ଏକ ମାମଲା ନିଜଆଡୁ ରୁଜୁ କରି ତିନି ଅଭିଯୁକ୍ତଙ୍କୁ ପ୍ରଥମେ ଗିରଫ କରିଥିଲା। ପରେ ଆଉ 12 ଜଣକୁ ଗିରଫ କରାଯାଇଛି 1
ଏହି ଘଟଣାରେ ସମ୍ପୃକ୍ତ ପନ୍ଦର ଜଣ ଅଭିଯୁକ୍ତଙ୍କୁ ପୋଲିସ ଚିହ୍ନଟ କରି ଗିରଫ କରିଛି, କିନ୍ତୁ ପୀଡିତା ଦୁଇଜଣଙ୍କୁ ଏପର୍ଯ୍ୟନ୍ତ ଅନୁସନ୍ଧାନ କରି ଠାବ କରିପାରି ନାହିଁ । ରବିବାର ଦିନ, ଆଲିରାଜପୁର ଜିଲ୍ଲା ମୁଖ୍ୟାଳୟରୁ ପ୍ରାୟ 30 କିଲୋମିଟର ଦୂରରେ ଦୁଇ ଗୋଷ୍ଠୀ ଆଦିବାସୀ ମହିଳାଙ୍କୁ ନିର୍ଯାତନା ଦିଆଯାଉଥିବା ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା ।
ଏହି ଭିଡିଓ ଭାଇରାଲ ହେବାପରେ ପରିସ୍ଥିତି ଉଗ୍ର ରୂପ ଧାରଣ କରିଛି 1 ଆଲିରାଜପୁର ଜିଲ୍ଲା ପୋଲିସ ସୋମବାର କହିଛି ଯେ ଅଭିଯୁକ୍ତମାନେ 19 ରୁ 25 ବର୍ଷ ବୟସ ମଧ୍ୟରେ, 15 ଜଣ ସମ୍ପୃକ୍ତ ଥିବା ସମସ୍ତ ଅଭିଯୁକ୍ତଙ୍କୁ ଚିହ୍ନଟ କରାଯାଇ ଗିରଫ କରାଯାଇଛି। ଏହି ଭିଡିଓ ଶୁକ୍ରବାର ଠାରୁ ସୋସିଆଲ ମିଡିଆରେ ଘୂରି ବୁଲୁଛି।
ପୁରୁଷମାନେ ଦୁଇ ମହିଳାଙ୍କୁ ନିର୍ଯାତନା ଦେଉଥିବା ଭୟଙ୍କର ଭିଡିଓ ସୋସିଆଲ ମିଡିଆରେ ଭାଇରାଲ ହେବା ମାତ୍ରେ ପୋଲିସ ଏକ ମାମଲା ରୁଜୁ କରି ଅଭିଯୁକ୍ତକୁ ଗିରଫ କରିଥିଲା।
ଶୁକ୍ରବାର ଦିନ ଜିଲ୍ଲା ମୁଖ୍ୟାଳୟଠାରୁ ପ୍ରାୟ 30 କିଲୋମିଟର ଦୂରରେ ସୋନୱା ଅଞ୍ଚଳର ୱାଲପୁର ଗାଁ ବାହାରେ ଏହି ଘଟଣା ଘଟିଛି। ଭିଡିଓରେ, ଦୁଇଜଣ ମହିଳା ଆଲିରାଜପୁରର ବ୍ୟସ୍ତବହୁଳ ରାସ୍ତାରେ ଏକ ଗାଡି ପାଖରେ ଠିଆ ହୋଇଥିବା ଏବଂ ଦିନରାତି ସେମାନଙ୍କୁ ଯୌନ ନିର୍ଯାତନା ଦେବାକୁ ଚେଷ୍ଟା କରାଯାଉଥିବା ଦେଖିବାକୁ ମିଳିଥିଲା। ଲୋକମାନେ ନିଜ ଫୋନରେ ଘଟଣାର ରେକର୍ଡିଂ କରୁଥିବା ଦେଖିବାକୁ ମିଳିଛି, କିନ୍ତୁ କେହି ସେମାନଙ୍କୁ ସାହାଯ୍ୟ କରିବାକୁ ଆସିନାହାନ୍ତି |
ଦୁଷ୍କର୍ମକାରୀଙ୍କ ବିରୋଧରେ ଭାରତୀୟ ଦଣ୍ଡ ସଂହିତା ଧାରା 354 (ନିର୍ଯାତନା) ଏବଂ ସୂଚନା ଅଧିନିୟମ (ଆଇଟି) ରେ ମାମଲା ରୁଜୁ କରାଯାଇଛି। ଏହି ଭିଡିଓକୁ ମୋବାଇଲ୍ ଫୋନରେ ସୁଟ୍ କରିଥିବା ଅଭିଯୁକ୍ତଙ୍କୁ ମଧ୍ୟ ପୋଲିସ ବୁକ୍ କରିଛି।
