ଫରିଦାବାଦ: ଏ ଘଟଣା ଗତ 17 କିମ୍ବା 18ରେ ଫରିଦାବାଦରେ ଘଟିଛି 1 ଏଥିରେ କୁହାଯାଇଛି ମଧ୍ୟବର୍ତ୍ତୀ ରାତିରେ ମହିଳା ଜଣକ ତାଙ୍କ ସ୍ୱାମୀଙ୍କୁ ହତ୍ୟା କରିବାକୁ ଚେଷ୍ଟା କରିଥିଲେ ଓ ନଗଦ ଟଙ୍କା, ଅଳଙ୍କାର ଏବଂ ଅନ୍ୟାନ୍ୟ ମୂଲ୍ୟବାନ ଜିନିଷ ନେଇ ପଳାଇ ଯାଇଛି 1 ପୀଡିତ ଜଣକ ପୋଲିସକୁ କହିଥିଲେ ଯେ ତାଙ୍କ ସ୍ତ୍ରୀ ତାଙ୍କୁ ରାତିରେ ଖାଇବାକୁ ଦେଲାବେଳେ ସେଥିରେ କିଛି ମିଶାଇ ଦେଇଥିଲେ 1 ତାକୁ ଖାଇ ସେ ଅଚେତ ହୋଇ ଶୋଇ ପଡ଼ିଥିଲେ ଓ ତାଙ୍କ ମୁହଁ ଉପରେ କମ୍ବଳ ଘୋଡାଇ ଦେଇ ତାଙ୍କୁ ଧୋକ୍କା ଦେଇ ଚାଲିଯାଇଛି ।
ଖବର ଅନୁଯାୟୀ ମହିଳା ଜଣକ ଦୁଇ ପୁରୁଷଙ୍କ ସହ ପୀଡିତଙ୍କୁ ପ୍ରାୟ 20 ମିନିଟ୍ ଧରି ଆକ୍ରମଣ କରିଥିଲେ ଓ ଏଥିରେ ସେ ଗୁରୁତର ଆହତ ହୋଇ ପଡିଯାଇଥିଲେ । ତାଙ୍କୁ ମୃତ ବୋଲି ଭୁଲରେ ଭାବି ସେମାନେ ନଗଦ ଟଙ୍କା, ଅଳଙ୍କାର ଏବଂ ମୂଲ୍ୟବାନ ସାମଗ୍ରୀ ନେଇ ପଳାଇ ଯାଇଥିଲେ ।
ପୋଲିସ କହିଛି ଯେ ଜାନୁଆରୀ 17 ଏବଂ 18 ର ମଧ୍ୟବର୍ତ୍ତୀ ରାତିରେ ଏହି ଦମ୍ପତି ରାତ୍ରୀ ଭୋଜନ ପୂର୍ବରୁ ବାଦବିବାଦ କରିବା ପରେ ଏହି ଘଟଣା ଘଟିଥିଲା। ପୋଲିସ (ଅପରାଧ) ର ଡେପୁଟି କମିଶନର ନରେନ୍ଦର କାଦିଆନ କହିଛନ୍ତି ଯେ 45 ବର୍ଷୀୟ ପୀଡିତ ତାଙ୍କ ପତ୍ନୀଙ୍କ ସହ ନିୟମିତ ଝାଗଡା କରୁଥିଲେ।
ପୋଲିସରେ ପୀଡିତ ଅଭିଯୋଗ କରିଛନ୍ତି ଯେ ମହିଳା ଜଣକ ତାଙ୍କ ଖାଦ୍ୟ ସହିତ କିଛି ନିଶା ଦ୍ରବ୍ୟ ମିଶ୍ରଣ କରିଛନ୍ତି ଯେଉଁଥିରେ ସେ ଅର୍ଦ୍ଧଚେତାଶୁନ୍ୟ ଅବସ୍ଥାକୁ ଆସିବାପରେ ମହିଳା ଜଣକ ଅନ୍ୟ ଦୁଇ ଜଣ ପୁରୁଷଙ୍କ ସହ ମିଶି ତାଙ୍କୁ ପ୍ରାୟ 20 ମିନିଟ୍ ଧରି ମାଡ ମାରିଛନ୍ତି ଓ ସେ ପଡିଯିବା ପରେ ମୃତ ବୋଲି ଭାବି କମ୍ବଳରେ ମୁହଁ ଘୋଡାଇ ଦେଇଛନ୍ତି ।
ପୋଲିସର ସୂଚନାନୁସାରେ, ପୀଡିତ ଜଣକ ତାଙ୍କ ପତ୍ନୀଙ୍କ ଅବୈଧ ସମ୍ପର୍କ ବିଷୟରେ ଜାଣିଥିଲେ, କିନ୍ତୁ ପରେ ଘଟଣା ସ୍ୱାଭାବିକ ହୋଇଯାଇଥିଲା। ସେ ତାଙ୍କ ସ୍ତ୍ରୀଙ୍କ ଫୋନ କଥାବାର୍ତା ଶୁଣିଥିଲେ ଓ ମେସେଜ ଦେଖିଥିଲେ ଯେଉଁଥିରେ ଅନ୍ୟ ପୁରୁଷ ଜଣକ ଋଣ ପରିଶୋଧ କରିବାକୁ ଶୀଘ୍ର ଟଙ୍କା ରୋଜଗାର କରିବାକୁ ମହିଳାଙ୍କୁ ଲେଖିଥିଲେ।
ପୋଲିସ ଅଧିକାରୀ କହିଛନ୍ତି ଯେ ମହିଳା ଜଣକ ରାତି 10 ଟାରେ ତାଙ୍କ ସ୍ୱାମୀଙ୍କୁ ରାତ୍ରୀ ଭୋଜନ ଦେଇଥିଲେ ଯାହା ପରେ ତାଙ୍କ ମୁଣ୍ଡ ବୁଲାଇବା ଆରମ୍ଭ ହେବାରୁ ଶୋଇପଡିଥିଲେ। ପରଦିନ ସକାଳେ ପୀଡିତ ଯେତେବେଳେ ଉଠିଲେ, ତାଙ୍କ ଦେହରେ ଅନେକ ଆଘାତ ଲାଗିଥିଲା ଏବଂ ଶରୀରରେ ଯନ୍ତ୍ରଣା ହେଉଥିଲା |
ପୋଲିସ ଅଧିକାରୀ କହିଛନ୍ତି ଯେ ସେ ଉଠିବା ପରେ ଦେଖିଲେ ତାଙ୍କ ଘରେ ସବୁ ଜିନିଷପତ୍ର ଏଣେତେଣେ ପଡିଛି ନଗଦ ଟଙ୍କା, ଅଳଙ୍କାର ଏବଂ ଅନ୍ୟାନ୍ୟ ମୂଲ୍ୟବାନ ସାମଗ୍ରୀ ନିଖୋଜ ହୋଇଯାଇଛି। ପୀଡିତ ଜଣକ ତାଙ୍କ ପତ୍ନୀଙ୍କୁ ଖୋଜିବାକୁ ଚେଷ୍ଟା କରିଥିଲେ, କିନ୍ତୁ ତାଙ୍କୁ କେଉଁଠାରେ ପାଇନଥିଲେ ।
ଏନଆଇଟି ଫରିଦାବାଦ ପୋଲିସ ମହିଳାଙ୍କ ବିରୋଧରେ ଭାରତୀୟ ପେନାଲ କୋଡ (ଆଇପିସି) ଧାରା 323 (ଆକ୍ରମଣ), 328 (ବିଷାକ୍ତ ଆଘାତରେ ଆଘାତ), 506 (ଅପରାଧିକ ଭୟ), 379 ବି (ଆଘାତ ସହ ଛଡ଼ାଇବା) ଓ 34 (ସାଧାରଣ ଉଦ୍ଦେଶ୍ୟ) ରେ ଏକ ମାମଲା ରୁଜୁ କରିଛି। ସନ୍ଦିଗ୍ଧମାନଙ୍କୁ ଶୀଘ୍ର ଖୋଜିବା ପାଇଁ ତଦନ୍ତ ଆରମ୍ଭ ହୋଇଛି।
