ନବୀନ ବିଜେପି ପାଇଁ ସମ୍ମାନ ସ୍ପଦ

ଭୁବନେଶ୍ୱର : ପରାଜୟ ପରେ ବି ରାଜନୀତିରେ ଉଚ୍ଚ ମହାନତା ଦେଖାଇଲେ ବିରୋଧୀ ଦଳର ନେତା ତଥା ପୂର୍ବତନ ମୁଖ୍ୟମନ୍ତ୍ରୀ ନୀବନ ପଟ୍ଟନାୟକ । ରଥଯାତ୍ରା ଦେଖିବାକୁ ଯାଇଥିବା ବେଳେ ରଥ ଦେଖି ପଳାଇ ନଆସି ରାଷ୍ଟ୍ରପତି, ରାଜ୍ୟପାଳ, ମୁଖ୍ୟମନ୍ତ୍ରୀ ଓ ମନ୍ତ୍ରୀମାନେ ବସିଥିବା ମଞ୍ଚ ନିକଟକୁ ଯାଇ ନମସ୍କାର ପକାଇ ସମ୍ମାନ ଜଣାଇବାକୁ ଭୁଲି ନଥିଲେ । ନବୀନଙ୍କ ଏହି ମହାନତା ଦେଖି ବିଜେପି ମଧ୍ୟ ଓଡ଼ିଆ ଅସ୍ମିତା ପଦର୍ଶନ କରିବାକୁ ତିଳେମାତ୍ର ପଛାଇ ନଥିଲା । ମଞ୍ଚରେ ଥିବା କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କାଳମିଳମ୍ବ ନକରି ତତ୍‌କ୍ଷଣାତ ମଞ୍ଚ ତଳକୁ ଆସି ନବୀନଙ୍କୁ ଅନୁରୋଧ କରି ମଞ୍ଚ ଉପରକୁ ପାଛୋଟି ନେଇଥିଲେ । ଉଭୟ ପରସ୍ପରର ମହାନତା ଦେଖାଇଥିଲେ । ନବୀନଙ୍କ ପ୍ରତି ଏବେବି ବିଜେପିର ବେଶ୍ ସମ୍ମାନ ରହିଛି, ତାହା ସେମାନେ ରାଜ୍ୟ ବାସୀଙ୍କୁ ଜଣାଇଲେ ।