ନୂଆଦିଲ୍ଲୀ : ଇରାନ ସଂସଦର ଜାତୀୟ ସୁରକ୍ଷା କମିସନର ମୁଖ୍ୟ ଇବ୍ରାହିମ ଅଜିଜି ଆମେରିକାକୁ ଏକ ନୂଆ ଚେତାବନୀ ଦେଇଛନ୍ତି । ଇବ୍ରାହିମ ଅଜିଜିଙ୍କ ଅନୁଯାୟୀ, ଯଦି ଆମେରିକୀୟ ସୈନ୍ୟମାନେ ଇରାନର ସର୍ବୋଚ୍ଚ ନେତା ଆୟାତୋଲ୍ଲା ମୋଜତାବା ଖେମିନିଙ୍କ ‘କେବେବି ଭୁଲିବ ନାହିଁ’ ମନ୍ତବ୍ୟର ଅର୍ଥକୁ ସଠିକ୍ ଭାବରେ ବୁଝିପାରିବେ, ତେବେ ସେମାନେ ସମୟ ନଷ୍ଟ କରି ମଧ୍ୟପ୍ରାଚ୍ୟରୁ ପଳାୟନ କରିବେ। ଇବ୍ରାହିମ୍ ଅଜିଜି ଆମେରିକୀୟ ସୈନିକମାନଙ୍କୁ ଭୟଭୀତ କରିବାକୁ ଚେଷ୍ଟା କରି ସୋସିଆଲ ମିଡିଆ ଏକ୍ସ ପୋଷ୍ଟରେ ଏଭଳି ଲେଖିଛନ୍ତି। ଅଜିଜିଙ୍କ ବିବୃତି ଇରାନର ସର୍ବୋଚ୍ଚ ନେତା ମୋଜତାବାଙ୍କ ମନ୍ତବ୍ୟ ପରେ ଆସିଛି ।
ମୋଜତାବା ଚେତାବନୀ ଦେଇଛନ୍ତି ଯେ, ଆମେରିକାକୁ ବହୁତ ମୂଲ୍ୟ ଦେବାକୁ ପଡିବ। ଏବେ ଆମେରିକୀୟ ଶତ୍ରୁ ଯୁଦ୍ଧକୁ ଆହୁରି ବଢାଇବାକୁ ଚେଷ୍ଟା କରୁଛନ୍ତି। ଏହାଦ୍ବାରା ଅଧିକ କ୍ଷତି ଏବଂ ଅପମାନ ସହିବାକୁ ପଡ଼ିବ। ଏହା ଜାଣିବା ଉଚିତ୍ ଯେ, ଇରାନୀ ଜନତା ଏବଂ ରେଜିଷ୍ଟାନ୍ସ ଫ୍ରଣ୍ଟ ଏଭଳି ଶିକ୍ଷା ଦେବେ ଯାହାକୁ ଶତ୍ରୁ କେବେ ଭୁଲିବ ନାହିଁ । ମୋଜତାବା ଇରାନ ଲୋକଙ୍କୁ ସମ୍ବୋଧିତ କରିବା ସମୟରେ ଆମେରିକାକୁ ‘ବଡ଼ ଶୟତାନ’ ବୋଲି କହିଛନ୍ତି। ଏହା ସହିତ, ମୋଜତାବା ୧୭ ଜୁନ୍ ୨୦୨୬ ରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଦ୍ୱାରା ସ୍ୱାକ୍ଷରିତ ୧୪-ସୂତ୍ରୀ ମଧ୍ୟବର୍ତ୍ତୀକାଳୀନ ଶାନ୍ତି ଚୁକ୍ତିନାମାକୁ ମୂଲ୍ୟହୀନ ବୋଲି କହିଛନ୍ତି।
