କୋଲକାତା : ପଶ୍ଚିମବଙ୍ଗରେ ୨୦୧୬ରେ ଘଟିଥିବା ଶିକ୍ଷକ ନିଯୁକ୍ତି ଦୁର୍ନୀତି ମାମଲାରେ ସିବିଆଇ ପକ୍ଷରୁ ସୋମବାର ନର୍ଥ ବେଙ୍ଗଲ ୟୁନିଭର୍ସିଟୀ କୁଳପତି ସୁବିରେଶ ଭଟ୍ଟାଚାର୍ଯ୍ୟଙ୍କୁ ଗିରଫ କରାଯାଇଛି । ସୁବିରେଶ ସେତେବେଳେ ପଶ୍ଚିମବଙ୍ଗ ସେଣ୍ଟ୍ରାଲ ସ୍କୁଲ ସର୍ଭିସ କମିାନ ଅଧ୍ୟକ୍ଷ ପଦରେ କାର୍ଯ୍ୟ କରୁଥିଲେ । ୨୦୧୪ରୁ ୨୦୧୮ ପର୍ଯ୍ୟନ୍ତ ସେ ଏହି ଦାୟିତ୍ୱ ତୁଲାଇଥିଲେ । ସୋମବାର ସିବିଆଇ କାର୍ଯ୍ୟାଳୟକୁ ଡକାଯାଇ ତାଙ୍କୁ ଜେରା କରାଯାଇଥିଲା । ତେବେ ଅସହଯୋଗ କରିବାରୁ ସିବିଆଇ ତାଙ୍କୁ ଗିରଫ କରିଥିବା ଜଣାପଡିଛି । କୋଲକାତା ହାଇକୋର୍ଟଙ୍କ ନିର୍ଦ୍ଦେକ୍ରମେ ଏହି ଦୁର୍ନୀତିର ତଦନ୍ତ ଦାୟିତ୍ୱ ସିବିଆଇ ଉପରେ ନ୍ୟସ୍ତ କରାଯାଇଛି ।