ଭଦ୍ରକ: ଓ୍ୱାର୍ଡ ମେମ୍ୱରଙ୍କୁ ନିର୍ମମ ହତ୍ୟା। ଭଦ୍ରକ ସରସଦା ପଞ୍ଚାୟତ ୧୩ ନଂ ଓ୍ୱାର୍ଡ ମେମ୍ୱର ଜଗନ ସାହୁଙ୍କୁ ହତ୍ୟା କରାଯାଇଛି। ଘରକୁ ଫେରିବା ବାଟରେ ମାରଣାସ୍ତ୍ରରେ ଆକ୍ରମଣ କରିଥିଲେ ଦୁର୍ବୃତ୍ତ। ଆକ୍ରମଣ ପରେ ଓ୍ୱାର୍ଡ ମେମ୍ୱରଙ୍କ ମୃତ୍ୟୁ ହୋଇଛି। ୱାର୍ଡମେମ୍ବରଙ୍କ ସାଥିରେ ଥିବା ବଟକୃଷ୍ଣ ସାହୁ ନାମକ ଅନ୍ୟ ଜଣେ ବ୍ୟକ୍ତି ଆହତ ହୋଇଛନ୍ତି। ଜଗନ ସାହୁଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିବା ସ୍ଥଳେ ବଟକୃଷ୍ଣ ସାହୁଙ୍କ ପିଠି, ବେକ, ମୁଣ୍ଡରେ ଆଘାତ ଲାଗିଛି।
ତାଙ୍କୁ ପ୍ରଥମେ ଭଣ୍ଡାରିପୋଖରୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା। ସ୍ୱାସ୍ଥ୍ୟାବସ୍ଥା ଗୁରତର ହେବାରୁ ତାଙ୍କୁ କଟକ ଏସସିବି ମେଡିକାଲକୁ ସ୍ଥାନାନ୍ତର କରାଯାଇଛି। ଦୁଇବର୍ଷ ତଳେ ଜଗନ ସାହୁଙ୍କୁ ଭୁଜାଲିରେ ମରଣାନ୍ତକ ଆକ୍ରମଣ ହୋଇଥିଲା। ଏହି ମାମଲାରେ ରତ୍ନାକର ସାହୁ ନାମକ ବ୍ୟକ୍ତି ଗିରଫ ପରେ ଜାମିନରେ ଅଛି। ଭଣ୍ଡାରିପୋଖରୀ ପୋଲିସ ରତ୍ନାକର ସାହୁ ଏବଂ ତାଙ୍କ ସାଥି ଜଗଦାନନ୍ଦ ନାୟକକୁ ଅଟକ ରଖି ଅଧିକ ତଦନ୍ତ ଚଳାଇଛି।
