ଉନ୍ନାଓ: ଉତ୍ତର ପ୍ରଦେଶ ଉନ୍ନାଓରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଗୁରୁବାର ୫୭୭ କୋଟି ଟଙ୍କାର ୧୦୪ଟି ପ୍ରକଳ୍ପର ଉଦଘାଟନ ଏବଂ ଶିଳାନ୍ୟାସ କରିଛନ୍ତି। ପରେ ଏକ ସାଧାରଣ ସଭାକୁ ସମ୍ବୋଧିତ କରି ସେ ସମାଜବାଦୀ ପାର୍ଟି ଏବଂ କଂଗ୍ରେସକୁ କଡ଼ା ସମାଲୋଚନା କରିଛନ୍ତି। ମୁଖ୍ୟମନ୍ତ୍ରୀ ସମାଜବାଦୀ ପାର୍ଟି(ଏସପି) ଏବଂ କଂଗ୍ରେସକୁ କଡ଼ା ସମାଲୋଚନା କରିଛନ୍ତି। ସେ ଏସପି ଏବଂ କଂଗ୍ରେସକୁ ରାମାୟଣ ଯୁଗର ଖରଦୁଷଣ ଏବଂ ମାରିଚଙ୍କ ସହ ତୁଳନା କରିଛନ୍ତି।
ଏସପି ଏବଂ କଂଗ୍ରେସ ଯୁଗରେ ରାଜ୍ୟରେ ମାଫିଆ ଶାସନ ଥିଲା। କୌଣସି ଏସପି ନେତା ଗରିବଙ୍କ ପାଇଁ ଲୁହ ଢାଳିବାର କେହି ଦେଖି ନାହାନ୍ତି।ସେମାନଙ୍କର ଲୁହ ମାଫିଆଙ୍କ ପାଇଁ ବୋହିଥାଏ। ମାଫିଆଙ୍କ ମୃତ୍ୟୁ ହେଲେ ଏସପି ସଦସ୍ୟମାନେ ଲୁହ ବୁହାଇଥାନ୍ତି।ରାଜ୍ୟରେ ଡବଲ ଇଞ୍ଜିନ ସରକାରଙ୍କ ଦ୍ୱାରା କରାଯାଉଥିବା କାମ ଏସପି ଏବଂ କଂଗ୍ରେସ ପାଖରେ କରିବାର କ୍ଷମତା ନାହିଁ। ଏସପି ଏବଂ କଂଗ୍ରେସ କେବଳ ସେମାନଙ୍କ ପରିବାର ବିଷୟରେ ଚିନ୍ତା କରୁଥିଲେ।କଂଗ୍ରେସ ପାଇଁ ଏହା କେବଳ ନେହେରୁ-ଗାନ୍ଧୀ ପରିବାର ଥିଲା, ଏବଂ ଏସପି ପାଇଁ ଏହା କେବଳ ନିଜ ପରିବାର ଥିଲା। ଯେତେବେଳେ କୌଣସି ରାଜନୈତିକ ଦଳ ସ୍ୱର ଉଠାଉଥିଲେ ଏସପି ଗୁଣ୍ଡାମାନେ ତାଙ୍କୁ ଚୁପ୍ କରିଦେଉଥିଲେ। ସେମାନଙ୍କ କାର୍ଯ୍ୟକାଳ ମଧ୍ୟରେ, ଉତ୍ତର ପ୍ରଦେଶର ଚାଷୀମାନେ ଆତ୍ମହତ୍ୟା କରିବାକୁ ବାଧ୍ୟ ହୋଇଥିଲେ, ଚାଷୀମାନେ ବିଦ୍ୟୁତ୍ ପାଇବାରୁ ବଞ୍ଚିତ ହୋଇଥିଲେ, ଆଖୁ ଚାଷ ସମ୍ପୂର୍ଣ୍ଣ ନଷ୍ଟ ହୋଇଯାଇଥିଲା ବିହନ ଏବଂ ସାର ଠିକ୍ ସମୟରେ ଉପଲବ୍ଧ ହେଉ ନଥିଲା।
