16.1 C
Bhubaneswar
Friday, January 28, 2022
Homeଓଡିଶାମହିଳାନେତ୍ରୀ ମିନାକ୍ଷୀ ମିଶ୍ରଙ୍କ ମୃତ୍ୟୁ ପାଇଁ ରାଜ୍ୟସରକାର ହିଁ ଦାୟୀ : ବିଜେପି

ମହିଳାନେତ୍ରୀ ମିନାକ୍ଷୀ ମିଶ୍ରଙ୍କ ମୃତ୍ୟୁ ପାଇଁ ରାଜ୍ୟସରକାର ହିଁ ଦାୟୀ : ବିଜେପି

ବିଜେଡି ନେତ୍ରୀ ମିନାକ୍ଷୀଙ୍କୁ ନ୍ୟାୟ ନଦେଇ ମୃତ୍ୟୁ ମୁହଁକୁ ଠେଲି ଦେଲା ବିଜେଡି ସରକାର
 ଫେଲ୍ ମାରିଛି ରାଜ୍ୟସରକାରଙ୍କ ୫-ଟି ଓ ମୋ ସରକାର
 କାହା ପାଇଁ ମୋ ସରକାର କାର୍ଯ୍ୟ କରୁଛି ?
 ଦଳୀୟ ନେତ୍ରୀଙ୍କ ମୃତ୍ୟୁ ପରେ ବି କାହିଁକି ଚୁପ୍ ରହିଛି ବିଜେଡି?
 ମୁଖ୍ୟମନ୍ତ୍ରୀ ତୁରନ୍ତ ଏହି ଘଟଣାରେ ହସ୍ତକ୍ଷେପ କରି ଉଚ୍ଚସ୍ତରୀୟ ତଦନ୍ତ ନିର୍ଦ୍ଦେଶ ଦିଅନ୍ତୁ
ଭୁବନେଶ୍ୱର : ପୁଲିସ ଠାରୁ ନ୍ୟାୟ ନପାଇ ଏସପିଙ୍କ କାର୍ଯ୍ୟାଳୟ ସମ୍ମୁଖରେ ଦେହରେ ନିଆଁ ଲଗାଇ
ଆତ୍ମାହୂତି ଉଦ୍ୟମ କରିଥିବା ବ୍ରହ୍ମପୁର ବିଜେଡି ନେତ୍ରୀ ମିନାକ୍ଷୀ ମିଶ୍ରଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଛି । ଯଦି ସରକାର ଓ
ପ୍ରଶାସନ ସଂବେଦନଶୀଳ ହୋଇ ସଂପୃକ୍ତ ମହିଳାଙ୍କ ଅଭିଯୋଗ ଶୁଣି ଥାନ୍ତେ ତେବେ ଆଜି ମିନାକ୍ଷାଙ୍କ ମୃତ୍ୟୁ ହୋଇନଥାନ୍ତା । ଏଭଳି
ଅଭାବନୀୟ ଘଟଣା ପାଇଁ ରାଜ୍ୟସରକାର, ଗୃହ ବିଭଗ ଏବଂ ଜିଲ୍ଲା ପ୍ରଶାସନ ସଂପୂର୍ଣ୍ଣ ଭାବେ ଦାୟୀ ବୋଲି ରାଜ୍ୟ ମହିଳା ମୋର୍ଚ୍ଚା
ସଭାନେତ୍ରୀ ଶ୍ରୀମତୀ ପ୍ରଭାତୀ ପରିଡା ଅଭିଯୋଗ କରିଛନ୍ତି ।
ବିଜେଡି ନେତ୍ରୀ ପ୍ରଶାସନ ପାଖରୁ ନ୍ୟାୟ ନପାଇ ଆତ୍ମହତ୍ୟା କରି ଜୀବନ ହାରିବା ଘଟଣା ସମଗ୍ର ନାରୀ ଜାତିକୁ ଅପମାନିତ
କରିଛି । ରାଜ୍ୟ ବିଜେପି ମହିଳା ମୋର୍ଚ୍ଚା ଏହି ଘଟଣା ଶୁଣିବା ପରେ ମର୍ମାହତ ହୋଇଛି । ରାଜ୍ୟସରକାର ନାରୀମାନଙ୍କୁ ସୁରକ୍ଷା
ଦେବାରେ ଫେଲ୍ ମାରିଛନ୍ତି । ପୀଡିତାଙ୍କ ସମସ୍ୟା ଶୁଣିବା ପାଇଁ ପୋଲିସ ପ୍ରଶାସନ ପାଖରେ ସମୟ ନାହିଁ । ବିଜେଡି ନେତ୍ରୀଙ୍କ କଥା
ଯଦି ପ୍ରଶାସନ ଶୁଣୁ ନାହାଁନ୍ତି ତେବେ ୫-ଟି, ମୋ ସରକାରରେ ସାଧାରଣ ଲୋକ କିପରି ନ୍ୟାୟ ପାଉଥିବେ ତାହା ଏହି ଘଟଣାରୁ ସ୍ପଷ୍ଟ
ଜଣାପଡୁଛି । ରାଜ୍ୟରେ କୌଣସି ଘଟଣା ଘଟିଲା ପରେ ପୋଲିସ ଉଦାସୀନ ମନୋଭାବ ଦେଖାଇବା ଅତ୍ୟନ୍ତ ଦୁର୍ଭାଗ୍ୟଜନକ ବୋଲି
ଶ୍ରୀମତୀ ପରିଡା କହିଛନ୍ତି ।
ଥାନାକୁ ଗୋଟେ ନିରୀହ ଲୋକ ଗଲେ ପୋଲିସ ତାଙ୍କ ସହ ଦୁର୍ବ୍ୟବହାର କରୁଛି । କାହା ପାଇଁ ମୋ ସରକାର କାର୍ଯ୍ୟ କରୁଛି
? ବିଜେଡି ଦଳର ନେତ୍ରୀଙ୍କ ମୃତ୍ୟୁ ପରେ ବି ପୂରା ବିଜେଡି ଦଳ ଆଜି ଚୁପ୍ ରହିଛି । ଏଭଳି ଘଟଣାରୁ ଜଣାପଡୁଛି କି, ବିଜେଡି କିପରି
ନାରୀ ମାନଙ୍କୁ ସମ୍ମାନ ଦେଉଛି । ଏହି ଘଟଣାରେ ମୁଖ୍ୟମନ୍ତ୍ରୀ ତୁରନ୍ତ ହସ୍ତକ୍ଷେପ କରି ଏହାର ଉଚ୍ଚସ୍ତରୀୟ ତଦନ୍ତ ନିର୍ଦ୍ଦେଶ ଦେଇ
ଅପରାଧୀ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ନେବାକୁ ଶ୍ରୀମତୀ ପରିଡା ଦାବୀ କରିଛନ୍ତି ।

5,005FansLike
2,475FollowersFollow
12,700SubscribersSubscribe

Most Popular

HOT NEWS

Breaking