ପଶ୍ଚିମବଙ୍ଗକୁ ବାଲି ଚୋରା ଚାଲାଣ ବେଳେ ୪ ଟ୍ରାକ୍ଟର ଜବତ

ବାଲେଶ୍ୱର : ଆକ୍ସନ ମୋଡ଼ରେ ଖଣିଅଧିକାରୀ। ପଶ୍ଚିମବଙ୍ଗକୁ ଚୋରା ଚାଲାଣ ବେଳେ ମାଡ଼ି ବସିଲେ ଖଣି ଅଧିକାରୀ। ଖଣି ବିଭାଗର ବଡ଼ ଧରଣର ଚଢ଼ାଉ। ଗୋଡ଼ାଇ ଗୋଡ଼ାଇ  ଧରିଲା ବାଲି ବୋଝେଇ ଟ୍ରାକ୍ଟରକୁ। ଦହମୁଣ୍ଡାରେ ସୁବର୍ଣ୍ଣରେଖା ନଦୀପଠାରୁ ଦୀର୍ଘଦିନ ଧରି ବାଲି ଉତ୍ତୋଳନ କରି ବହିନେଉଯାଉଥିଲେ।ଖବର ପାଇ ଖଣି ବିଭାଗର ଜୁନିଅର ଅଧିକାରୀ ଜଗନ୍ନାଥ ଦାସ ଓ ଅଭିଷେକଙ୍କ ନେତୃତ୍ବରେ ଦୁଇଜଣ ଅଧିକାରୀ ଦହମୁଣ୍ଡା ନିକଟରୁ ଚାରୋଟି ବାଲି ଟ୍ରାକ୍ଟର ଜବତ କରି କମର୍ଦ୍ଦା ଥାନାରେ ଜିମା ଦେଇଛନ୍ତି। ମାସ ମାସ ଧରି ସୁବର୍ଣ୍ଣରେଖା ନଦୀ ପଠା ଦହମୁଣ୍ଡା ଠାରୁ ପ୍ରତି ଦିନ ଶହ ଶହ ଟ୍ରିପ ମାଟି ଓ ବାଲି ଦିନ ଦ୍ୱିପ୍ରହରରେ ବିଭିନ୍ନ ଜାଗାକୁ ଚୋରା ଚାଲାଣ ହଉଥିଲା । ମୋଟା ଅଙ୍କର ଅର୍ଥ ଉପାର୍ଜନ କରୁଥିଲେ ମାଫିଆ । ଏଭଳି ଅଚାନକ ରେଡ କୁ ନେଇ ବାଲି ଓ ମାଟି ମାଫିଆ ଙ୍କ ଭିତରେ କୋକୁଆ ଭୟ  ସୃଷ୍ଟି ହେଇଛି।