୨ ରୁଷିଆନ ମହିଳାଙ୍କୁ ହତ୍ୟା: ଜଣେ ଗିରଫ

ଗୋଆ: ଗୋଆରେ ୨ ଜଣ ରୁଷିଆନ ମହିଳାଙ୍କୁ ଛୁରୀ ଭୁସି ହତ୍ୟା। ଏହି ମାମଲାରେ ପୋଲିସ ଜଣେ ଅଭିଯୁକ୍ତକୁ ଗିରଫ କରିଛି। ମୃତ ଦୁଇ ରୁଷିଆ ମହିଳାଙ୍କୁ ଏଲେନା ଭାନିଭା ଓ ଏଲେନା କାସ୍ତାନୋଭା ବୋଲି ଚିହ୍ନଟ କରାଯାଇଛି। ସୂଚନା ଅନୁସାରେ, ଏହି ହତ୍ୟାକାଣ୍ଡ ଉତ୍ତର ଗୋଆର ଆରାମ୍ବୋଲ ଏବଂ ମୋରଜିମ ଗାଁରେ ଜାନୁଆରୀ ୧୪ ଏବଂ ୧୫ ତାରିଖରେ ଘଟିଥିଲା। ଅଭିଯୁକ୍ତ ଜାନୁଆରୀ ୧୪ ତାରିଖରେ ମୋରଜିମରେ ତାଙ୍କ ବନ୍ଧୁ ଏଲେନା ଭାନିଭା (୩୭)ଙ୍କୁ ତାଙ୍କ କୋଠରୀରେ ଛୁରୀ ଭୁସି ହତ୍ୟା କରିଥିଲେ। ତା’ପରେ, ଜାନୁଆରୀ ୧୫ ତାରିଖ ସନ୍ଧ୍ୟାରେ, ଅଭିଯୁକ୍ତ ତାଙ୍କ ବନ୍ଧୁ ଏଲେନା କାସ୍ତାନୋଭା (୩୭)ଙ୍କୁ ଆଠ କିଲୋମିଟର ଦୂର ଆରମ୍ବୋଲ ଗାଁରେ ଭେଟିବାକୁ ଯାଇଥିଲେ। ସେ ତାଙ୍କୁ ଏକ ରଶିରେ ବାନ୍ଧି ଦେଇଥିଲେ ଏବଂ ପରେ ତାଙ୍କ ଗଳା କାଟି ଦେଇଥିଲେ। ପୋଲିସ କହିଛି ଯେ ଶୁକ୍ରବାର ଉଭୟଙ୍କ ମୃତଦେହ ଉଦ୍ଧାର କରାଯାଇଥିଲା। ଏହି ଘଟଣାରେ ଲିଓନୋଭଙ୍କୁ ମାଣ୍ଡରେମ୍ ପୋଲିସ ଗିରଫ କରିଛି ଏବଂ ତଦନ୍ତ ଜାରି ରହିଛି।