ନୂଆଦିଲ୍ଲୀ: ସୁଗମ ଯାତ୍ରା ଏବଂ ଭିଡ଼ ହ୍ରାସ କରିବା ଦିଗରେ ଏକ ପ୍ରମୁଖ ପଦକ୍ଷେପ। କେନ୍ଦ୍ର ପରିବହନ ମନ୍ତ୍ରୀ ନୀତିନ ଗଡକରୀ ରବିବାର ଘୋଷଣା କରିଛନ୍ତି ଯେ ଆସନ୍ତା ୧୫ ଦିନ ମଧ୍ୟରେ ସାରା ଦେଶରେ ଏକ ନୂତନ ସାଟ୍ଲାଇଟ୍-ଆଧାରିତ ଟୋଲ୍ ଆଦାୟ ନୀତି ପ୍ରଚଳନ କରାଯିବ। ଏହି ବ୍ୟବସ୍ଥା ଅନୁଯାୟୀ, ଯାନବାହନଗୁଡ଼ିକୁ ଆଉ ଟୋଲ୍ ପ୍ଲାଜାରେ ଅଟକିବାକୁ ପଡ଼ିବ ନାହିଁ। ଏହା ବଦଳରେ, ଉନ୍ନତ ଟ୍ରାକିଂ ପ୍ରଯୁକ୍ତିବିଦ୍ୟା ବ୍ୟବହାର କରି ସାଟ୍ଲାଇଟ୍ ଇମେଜିଂ ଆଧାରରେ ଟୋଲ୍ ଶୁଳ୍କ ସ୍ୱୟଂଚାଳିତ ଭାବରେ କଟାଯିବ। ଏହି ପଦକ୍ଷେପ ଲମ୍ବା ଧାଡ଼ି ଦୂର କରିବା, ଇନ୍ଧନ ସଞ୍ଚୟ କରିବା ଏବଂ ଜାତୀୟ ରାଜପଥରେ ଯାତ୍ରା ସମୟ ହ୍ରାସ କରିବା ପାଇଁ ଲକ୍ଷ୍ୟ ରଖାଯାଇଛି। ଗଡକରୀ କହିଛନ୍ତି ଯେ ନୂତନ ନୀତି ଭାରତର ସଡ଼କ ଭିତ୍ତିଭୂମିକୁ ଆଧୁନିକୀକରଣ କରିବା ଏବଂ ବ୍ୟବହାରକାରୀ ଅଭିଜ୍ଞତାକୁ ଉନ୍ନତ କରିବା ପାଇଁ ସରକାରଙ୍କ ପ୍ରୟାସର ଏକ ଅଂଶ। “ଯାନଗୁଡ଼ିକୁ ସାଟେଲାଇଟ୍ ମାଧ୍ୟମରେ ଟ୍ରାକ୍ କରାଯିବ ଏବଂ ଯାନ ସହିତ ଜଡିତ ବ୍ୟାଙ୍କ ଆକାଉଣ୍ଟରୁ ସିଧାସଳଖ ଟୋଲ୍ କଟାଯିବ,” ସେ ବ୍ୟାଖ୍ୟା କରିଛନ୍ତି।
A new toll policy will be introduced within 15 days, featuring a satellite-based toll system. Vehicles won’t need to stop at plazas, as tolls will be auto-deducted via satellite imaging: Union Transport Minister Nitin Gadkari pic.twitter.com/5DFIxkIZ0r
— IANS (@ians_india) April 14, 2025
