ଓଡ଼ିଶା ପମ୍ପଡ୍ ଷ୍ଟୋରେଜ୍ ପ୍ରକଳ୍ପ ନୀତି ୨୦୨୫ ନାମକ ଖସଡ଼ା ପ୍ରସ୍ତୁତ

ଭୁବନେଶ୍ୱର: ଓଡ଼ିଶା ସରକାର ପୂର୍ବରୁ ଓଡ଼ିଶା ନବୀକରଣୀୟ ଶକ୍ତି ନୀତି, 2022 ବିଷୟରେ ଅଧିସୂଚିତ କରିଥିଲେ । ବର୍ତ୍ତମାନ, ନବୀକରଣୀୟ ଶକ୍ତି ବିକାଶ ପାଇଁ ଅନୁକୂଳ ଇକୋସିଷ୍ଟମ ସୃଷ୍ଟି କରିବା ଏବଂ ସ୍ୱଚ୍ଛ ଶକ୍ତି ଗ୍ରହଣକୁ ତ୍ୱରାନ୍ୱିତ କରିବା, ଶକ୍ତି କ୍ଷେତ୍ରର ଡିକାର୍ବନାଇଜେସନ୍ କରିବା, ଏବଂ ପମ୍ପଡ୍ ଷ୍ଟୋରେଜ୍ ପ୍ରକଳ୍ପ (PSPs) ରେ ନିବେଶକୁ ଆକର୍ଷିତ କରିବା ଲକ୍ଷ୍ୟରେ, ସରକାର ଓଡ଼ିଶା ପମ୍ପଡ୍ ଷ୍ଟୋରେଜ୍ ପ୍ରକଳ୍ପ ନୀତି ୨୦୨୫ ନାମକ ଖସଡ଼ା ପ୍ରସ୍ତୁତ କରୁଛନ୍ତି। ଆଜି ଉପମୁଖ୍ୟମନ୍ତ୍ରୀ ଏବଂ କୃଷି ଏବଂ କୃଷକ ସଶକ୍ତିକରଣ ଏବଂ ଶକ୍ତି ମନ୍ତ୍ରୀ ଶ୍ରୀ କନକ ବର୍ଦ୍ଧନ ସିଂହ ଦେଓଙ୍କ ଅଧ୍ୟକ୍ଷତାରେ ଏହି ବୈଠକ ଅନୁଷ୍ଠିତ ହୋଇଥିଲା। ଉପମୁଖ୍ୟମନ୍ତ୍ରୀ ଶ୍ରୀ ସିଂହଦେଓ ରାଜ୍ୟ ଦ୍ୱାରା-ଚିହ୍ନଟ ପମ୍ପଡ଼ ଷ୍ଟୋରେଜ ପ୍ରୋଜେକ୍ଟ ଏବଂ ସଂସ୍ଥା ଦ୍ୱାରା-ଚିହ୍ନଟ ପମ୍ପଡ଼ ଷ୍ଟୋରେଜ ପ୍ରୋଜେକ୍ଟ ପାଇଁ ପୃଥକ ଏସଓପି (SOP) ପ୍ରସ୍ତୁତ କରିବା ପାଇଁ ମୂଲ୍ୟବାନ ପରାମର୍ଶ ପ୍ରଦାନ କରିଥିଲେ। ପିଏସପି ପାଇଁ ବିସ୍ତୃତ ଏସଓପି ଏବଂ କାର୍ଯ୍ୟକାରୀ ନିର୍ଦ୍ଦେଶାବଳୀ ଏହି ଅଧୀନରେ ଜାରି କରାଯିବ। ଉନ୍ନୟନ କମିଶନର ତଥା ଅତିରିକ୍ତ ମୁଖ୍ୟ ଶାସନ ସଚିବ ଶ୍ରୀମତୀ ଅନୁ ଗର୍ଗ, ଶକ୍ତି ବିଭାଗ ପ୍ରମୁଖ ଶାସନ ସଚିବ ଶ୍ରୀ ବିଶାଳ ଦେବ, ସର୍ବୋଚ୍ଚ ଯନ୍ତ୍ରୀ, ବିଦ୍ୟୁତ ଶ୍ରୀ ପ୍ୟାରୀମୋହନ ମିଶ୍ର, ଏବଂ ଓଏଚପିସି (OHPC), ଗ୍ରୀଡ଼କୋ (GRIDCO), ଜଳ ସମ୍ପଦ ବିଭାଗର ବରିଷ୍ଠ ଅଧିକାରୀମାନେ ଏହି ବୈଠକରେ ଅଂଶଗ୍ରହଣ କରିଥିଲେ।