ଲକ୍ଷ୍ନୌ: ଉତ୍ତର ପ୍ରଦେଶର ବରେଲିରୁ ସାମ୍ନାକୁ ଆସିଛି ଅଭାବନୀୟ ଘଟଣା । ଜଣେ ମହିଳା ଜଣେ ପୁରୁଷଙ୍କ ସହ ସେକ୍ସ କରୁଥିବା ସମୟରେ ତାଙ୍କ ଗଳାକାଟି ହତ୍ୟା କରିଥିବା ଅଭିଯୋଗ ହୋଇଛି । ମହିଳା ଜଣକ ପୋଲିସକୁ କହିଛନ୍ତି ଯେ ଇକବାଲ ତାଙ୍କୁ ଯୌନ କାର୍ଯ୍ୟ ପାଇଁ ବ୍ଲାକମେଲ୍ କରୁଥିଲେ ଏବଂ ତାଙ୍କ ପାଖରେ ଆଉ କୌଣସି ବିକଳ୍ପ ନଥିଲା। ଇକବାଲଙ୍କ ଘର ପାଖରେ ମୃତଦେହ ମିଳିବାର ଦୁଇ ଦିନ ପରେ ଗତକାଲି ହତ୍ୟା ମାମଲାରେ ୩୨ ବର୍ଷୀୟ ମହିଳାଙ୍କୁ ଗିରଫ କରାଯାଇଥିବା ସୂଚନା ରହିଛି । ମହିଳା ଜଣକ ପୋଲିସକୁ କହିଛନ୍ତି ଯେ ଇକବାଲ ଜଣେ ଜରି କାରିଗର ଥିଲେ ଯିଏ ତାଙ୍କ ଗାଁର ଘରକୁ ଯାଉଥିଲେ। ଏହିପରି ସେମାନେ ପରସ୍ପର ସହିତ ପରିଚିତ ହେଉଥିଲେ ଏବଂ ନମ୍ବର ସେୟାର କରିଥିଲେ । ସେମାନେ ପ୍ରାୟତଃ ଫୋନ୍?ରେ କଥା ହେଉଥିଲେ ।
ଗୋଟିଏ ଦିନ ଇକବାଲ ତାଙ୍କୁ ତାଙ୍କ ଘରେ ଭେଟିବାକୁ କହିଥିଲେ। ମହିଳା ଜଣକ କହିଛନ୍ତି ଯେ ଇକବାଲ ତାଙ୍କୁ ସେକ୍ସ କରିବା ପାଇଁ ବାଧ୍ୟ କରିଥିଲେ । ଯେତେବେଳେ ସେ ତାଙ୍କୁ ଚେତାବନୀ ଦେଇଥିଲେ ଯେ ସେ ତାଙ୍କ ସ୍ୱାମୀଙ୍କୁ କହିବେ, ଇକବାଲ ତାଙ୍କୁ କହିଥିଲେ ଯେ ତାଙ୍କର କଲ୍ ରେକର୍ଡିଂ ଅଛି ଏବଂ ସେ ଭାଇରାଲ କରିଦେବେ । ତେବେ ଏହି ଘଟଣାରେ ମହିଳାଜଣକ ପୋଲିସକୁ କହିଛନ୍ତି ଯେ, ମୁଁ ତାଙ୍କୁ ଦେଖା ହେବାକୁ ଚାହୁଁଥିବା କହି ଡାକିଥିଲି । ଏହାପରେ ସ୍ୱାମୀକୁ ଅଚେତ ହେବାର ମେଡିସିନ ଦେଇ ଇକବାଲ ପାଖକୁ ଯାଇଥିଲି । ତେବେ ଆଜି ଯାହା ବି କିଛି ଫାଇନାଲ କରିବା ନେଇ ଭାବିଥିଲି । ଘରେ ପହଞ୍ଚିବା ପରେ ଇକବାଲ ସେକ୍ସ କରିବା ପାଇଁ ଚେଷ୍ଟା କରିଥିଲା । ଏହାର ଫାଇଦା ଉଠାଇ ମୁଁ ତା’ର ଦୁଇଟି ଯାକ ହାତକୁ ଗୋଡ଼ରେ ଚାପି ଧରି ଛାତି ଉପରେ ବସି ପଡ଼ିଥିଲି। ଏହାପରେ ମୁଁ ତାର ତଣ୍ଟି ଚିପିଦେଇଥିଲି । ସେ ଛାଟିପିଟି ହୋଇ ପ୍ରାଣ ହରାଇଥିଲା ।
