ଆତ୍ମସମର୍ପଣ କଲେ ୫ ମାଓବାଦୀ

ଛତିଶଗଡ଼ : ଛତିଶଗଡ଼ ସୁକ୍‌ମା ଜିଲା ପୋଲିସ ନିକଟରେ ଜଣେ ମହିଳାଙ୍କ ସମେତ ୫ ମାଓବାଦୀ ମଙ୍ଗଳବାର ଆତ୍ମସମର୍ପଣ କରିଛନ୍ତି। ସେମାନେ ହେଲେ ମେହେତା ଆର୍‌ପିସି କେଏଏମ୍‌ଏସ୍‌ ସଦସ୍ୟା ପୋଡିୟମ ବୁଦରି, ଗୋଲାପାଲି ଏଲ୍‌ଓଏସ୍‌ ସଦସ୍ୟ ୧ ଲକ୍ଷ ପୁରସ୍କାର ଘୋଷିତ ମଲାମ ଦେବା, ସିଙ୍ଗାରାମ ଆର୍‌ପିସି ଡିକେଏମ୍‌ଏସ୍‌ ସଭାପତି ୧ ଲକ୍ଷ ପୁରସ୍କାର ଘୋଷିତ କାରତମ ହିଡମା, ସିଙ୍ଗାରାମ ଆରପିସି ମିଲିସିଆ ସଦସ୍ୟ ମାଡବି ଯୋଗୀ ଓ ଅଲମପାଲୀ ପଞ୍ଚାୟତ ସିଏନ୍‌ଏସ୍‌ ଉପାଧ୍ୟକ୍ଷ ଦୁଧୀ ଜଗା ା ସୁକ୍‌ମା ଜିଲା ଡେପୁଟି ସୁପରିଣ୍ଟେଣ୍ଡେଣ୍ଟ ଅନନ୍ତ ହାଂସ, ସହକାରୀ କମାଣ୍ଡାଣ୍ଟ ୧୩୧ ବାହିନୀ ସିଆର୍‌ପିଏଫ୍‌ଙ୍କ ନିକଟରେ ଆତ୍ମସମର୍ପଣ କରିଛନ୍ତି। ଏମାନେ ପୋଲିସ ପାଟ୍ରୋଲିଂ ଦଳ ଉପରେ ଆକ୍ରମଣ, ରାସ୍ତାରେ ଲାଣ୍ଡମାଇନ୍‌ ଲଗାଇବା, ରାସ୍ତା ଖୋଳିବା ଓ ମୁଖ୍ୟରାସ୍ତା ଅବରୋଧ କରିବା ଭଳି ବିଭିନ୍ନ ହିଂସାରେ ଜଡ଼ିତ ଥିଲେ।