ମୁଖ୍ୟମନ୍ତ୍ରୀଙ୍କ ସ୍ୱାଗତ ବେଳେ ହଙ୍ଗାମା କଲେ : ସାରଦା ପ୍ରଧାନ

ମାହାଙ୍ଗା : ଗଣ୍ଡଗୋଳ ହେଲା ମୁଖ୍ୟମନ୍ତ୍ରୀଙ୍କ ସଭାରେ । ତେବେ ଆଜି ଏକ ସଭାରେ ଯୋଗ ଦେବା ପାଇଁ ମୁଖ୍ୟମନ୍ତ୍ରୀ ମୋହନ ମାଝୀ ମାହାଙ୍ଗା ଯାଇଥିଲେ। ହେଲେ ବାଟରେ ବିଜେପି କର୍ମୀ ଓ ସ୍ୱାଧିନ ବିଧାୟକଙ୍କ ସମର୍ଥକ ମୁହାଁମୁହିଁ ହୋଇଥିଲେ । ଯାହାଫଳରେ କଟକ ଜିଲ୍ଲା ମାହାଙ୍ଗାରେ ଆଜି ଏଭଳି ଏକ ହଙ୍ଗାମା ହୋଇଯାଇଛି । ଯେତେବେଳେ ମୁଖ୍ୟମନ୍ତ୍ରୀଙ୍କୁ ସ୍ୱାଗତ କରାଯାଉଥିଲା ସେତେବେଳେ ସେହି ସମୟରେ ସ୍ୱାଧୀନ ବିଧାୟକ ସାରଦା ପ୍ରଧାନଙ୍କ ସମର୍ଥକ ବିଜେପି କର୍ମୀଙ୍କୁ ଠେଲାପେଲା କରିବା ଆରମ୍ଭ କରିଥିଲେ। ଏହାକୁ ନେଇ ଉଭୟ ଗୋଷ୍ଠୀଙ୍କ ମଧ୍ୟରେ ହାତାହାତି ସ୍ଥିତି ଉପୁଜିଥିଲା । ମୁଖ୍ୟମନ୍ତ୍ରୀ ନିଜେ ଗାଡିରୁ ଓହ୍ଲାଇ ବୁଝାସୁଝା କରିବା ପରେ ତାଙ୍କ କାରକେଡ ଆଗକୁ ବଢିଥିଲା । କାରକେଡ ଯିବା ବେଳେ ବିଜେପି ନେତା ସୁମନ୍ତ ଘଡେଇଙ୍କ ଗାଡି ଆଗରେ ବୋତଲ ମାଡ କରିବା ସହ ଭଙ୍ଗାରୁଜା କରିଛନ୍ତି ବିଧାୟକଙ୍କ ସମର୍ଥକ।ଫଳରେ ବିଜେପି ନେତା ସୁମନ୍ତ ଘଡେଇ ମୁଖ୍ୟମନ୍ତ୍ରୀଙ୍କ ସଭାକୁ ନଯାଇ ଫେରି ଯାଇଥିବା ଜଣାପଡ଼ିଛି।