ଭୁବନେଶ୍ୱର : ଏଣିକି ହ୍ୱାଟ୍ସଆପରେ ମିଳିବ କୋଭିଡ ଟିକାକରଣ ସାର୍ଟିଫିକେଟ । ଟିକାକରଣ ସାର୍ଟିଫିକେଟ ପାଇବାକୁ ହେଲେ ମୋବାଇଲ ନମ୍ବର ୯୦୧୩୧୫୧୫୧୫କୁ ପ୍ରଥମେ ସେଭ୍ କରିବାକୁ ପଡିବ । ନିଜର ହ୍ୱାଟ୍ସଆପ୍ ନମ୍ବରରେ କୋଭିଡ ସାର୍ଟିଫିକେଟ ଲେଖି ପଠାଇବାକୁ ପଡ଼ିବ । ଏକ ଓଟିପି ନମ୍ବର ଆସିବା ପରେ ଏହି ଓଟିପି ନମ୍ବରକୁ ଟାଇପ କରି ପଠାଇବାକୁ ପଡିବ ।
ଏହାପରେ ହ୍ୱାଟ୍ସ ଆପ୍ରେ କୋଭିଡ ଟିକାକରଣ ସାର୍ଟିଫିକେଟ ଆସିଯିବ । ପୂର୍ବରୁ କୋଭିଡ ଟିକାକରଣ ସାର୍ଟିଫିକେଟ ପାଇବାକୁ ହେଲେ କୋ ୱିଇନ ଆପ୍କୁ ଯାଇ ଡାଉନ ଲୋଡ କରିବାକୁ ପଡୁଥିଲା । ତେବେ ଏବେ ହ୍ୱାଟ୍ସଆପରେ ଏହା ଉପଲବ୍ଧ ହୋଇଥିବାରୁ ସାଧାରଣ ଲୋକେ ଏହାର ସୁବିଧା ପାଇପାରିବେ । ଏହି ସାର୍ଟିଫିକେଟ ବହୁ ଜରୁରୀ କ୍ଷେତ୍ରରେ ଆବଶ୍ୟକ ପଡିବ ।
