ୱାଶିଂଟନ: ଚଳିତମାସ ୨ରେ ଆମେରିକାର ଡ୍ରୋନ୍ ଆକ୍ରମଣରେ କାବୁଲରେ ବାସ କରୁଥିବା ଅଲକାଏଦା ମୁଖ୍ୟ ଅଲ୍ ଜୱାହିରି ପ୍ରାଣ ହରାଇଛି । ଏହି ପରିପ୍ରେକ୍ଷୀରେ ଆମେରିକା ପକ୍ଷରୁ ବିଦେଶରେ ବସବାସ କରୁଥିବା ପ୍ରବାସୀ ଆମେରିକୀୟଙ୍କୁ ମାର୍ଗଦର୍ଶିକା ଜାରି କରାଯାଇଛି । ପ୍ରଥମେ ଓସାମା ବିନ୍ ଲାଡେନ୍ ଏବଂ ବର୍ତ୍ତମାନ ଜୱାହିରିକୁ ନିପାତ କରାଯାଇଥିବାରୁ ଆତଙ୍କବାଦୀ ସଂଗଠନଗୁଡିକ ଆମେରିକା ଉପରେ କ୍ଷୁବ୍ଧ ହୋଇପଡିଛନ୍ତି ।
ଆମେରିକାରେ କୌଣସି ଅଘଟଣ ଘଟାଇବାକୁ ସୁଯୋଗ ନପାଇ ସେମାନେ ବର୍ତ୍ତମାନ ବିଭିନ୍ନ ରାଷ୍ଟ୍ରରେ ବାସ କରୁଥିବା ଆମେରିକୀୟ ନାଗରିକଙ୍କୁ ଟାର୍ଗେଟ କରିବେ ବୋଲି ଆଶଙ୍କା କରାଯାଉଛି । ଏହି ପରିପ୍ରେକ୍ଷୀରେ ବିଦେଶରେ ରହୁଥିବା ଏବଂ ବିଦେଶ ଯାତ୍ରା କରୁଥିବା ଆମେରିକୀୟ ନାଗରିକଙ୍କୁ ଯଥେଷ୍ଟ ସତର୍କତା ଅବଲମ୍ବନ କରିବାକୁୁ ବିଦେଶ ମନ୍ତ୍ରଣାଳୟ ପକ୍ଷରୁ ପରାମର୍ଶ ଦିଆଯାଇଛି ।
