ନୂଆଦିଲ୍ଲୀ: ଟି-୨୦ ମହିଳା ବିଶ୍ୱକପ ୨୦୨୩ ପାଇଁ ନ୍ୟୁଜିଲାଣ୍ଡ ଦଳ ଘୋଷଣା କରିସାରିଛି । ସୋଫି ଡିଭାଇନ ଦଳର ନେତୃତ୍ୱ ନେଉଥିବା ବେଳେ ୱିକେଟ କିପର ବର୍ଣ୍ଣାଡିନ ବେଜୁଡେନହାଉଟ ବିଶ୍ୱକପରେ ଦଳକୁ କମବ୍ୟାକ କରିବାକୁ ଯାଉଛନ୍ତି । ଦକ୍ଷିଣ ଆଫ୍ରିକାରେ ଆୟୋଜିତ ହେବାକୁ ଥିବା ଏହି ବିଶ୍ୱକପ ୧୫ ଜଣିଆ ଦଳରେ ସେ ନିଜ ସ୍ଥାନ ପକ୍କା କରିଛନ୍ତି ।
ଏହି ବିଶ୍ୱକପ ସହ ଦୀର୍ଘ ୩ ବର୍ଷ ପରେ ଦଳକୁ କମବ୍ୟାକ କରିବେ ବର୍ଣ୍ଣାଡିନ । ଶେଷ ଥର ପାଇଁ ଜାନୁୟାରୀ ୨୦୨୦ରେ ସେ ଟିମରେ ସ୍ଥାନ ପାଇଥିଲେ । ଏହାପରେ ଦୀର୍ଘ ଦିନ ଦଳରୁ ବାହାରେ ରହିଥିବା ବେଳେ ବର୍ତ୍ତମାନ ଲିଷ୍ଟ-ଏରେ ଦମଦାର ପ୍ରଦର୍ଶନ କରି ସେ ପୁଣି ଥରେ ଦଳ ତରଫରୁ ଡାକରା ପାଇଛନ୍ତି । ଲିଷ୍ଟ ‘ଏ’ର ୫ଟି ମ୍ୟାଚରୁ ୬୩.୬୬ ହାରରେ ଗୋଟିଏ ଶତକ ସହ ୧୯୧ ରନ ସଂଗ୍ରହ କରିଥିଲେ ବର୍ଣ୍ଣାଡିନ । ସେପଟେ ଆହତ ସମସ୍ୟାରୁ ବାହାରି ଦଳରୁ ଫେରିବେ ଅଧିନାୟକ ଡିଭାଇନ । ସେହିପରି ଆହତ ହୋଇ ଅଣ୍ଡର-୧୯ ଦଳରୁ ବାଦ ପଡିଥିବା ଫ୍ରାନ ଜୋନଓ ମଧ୍ୟ ସିନିୟର ଦଳରେ ସୁଯୋଗ ପାଇଛନ୍ତି । ତେବେ ଏହି ଟୁର୍ଣ୍ଣାମେଣ୍ଟ ପାଇଁ ପୂର୍ବତନ ଖେଳାଳି ମୋର୍ଣ୍ଣ ମର୍କେଲଙ୍କୁ ଟୁର କୋଚ ଭାବେ ନିଯୁକ୍ତି କରିଛି ନ୍ୟୁଜିଲାଣ୍ଡ ।
ବିଶ୍ୱକପ ପାଇଁ ନ୍ୟୁଜିଲାଣ୍ଡ ଟିମ୍: ସୋଫି ଡିଭାଇନ(ଅଧିନାୟକ), ସୁଜି ବେଟସ, ବଣ୍ଣାଡିନ ବେଜୁଡେନହାଉଟ, ଇଡେନ କାର୍ସନ, ଲରେନ ଡାଉନ, ମ୍ୟାଡି ଗ୍ରୀନ, ବ୍ରୁକ ହାଲିଡେ, ହେଲି ଜେନସେନ, ଫ୍ରାନ ଜୋନାସ, ମେଲି କେର, ଜେସ କେର, ମୋଲି ପେନଫୋଲ୍ଡ, ଜର୍ଗିଆ ପ୍ଲାଇମର, ହାନା ରୋ, ଲି ତାହୁ
