ଥିରୁଅନନ୍ତପୁରମ୍: ପୂର୍ବତନ କେନ୍ଦ୍ରମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ପି. ଚିଦାମ୍ବରମ୍ ଆଜି ଏକ ବଡ଼ ନିର୍ବାଚନୀ ପ୍ରତିଶ୍ରୁୂତି ଦେଇଛନ୍ତି । ସେ କହିଛନ୍ତି, ଯଦି ଇଣ୍ଡିଆ ମେଣ୍ଟ କ୍ଷମତାକୁ ଆସେ ତେବେ ଏହା ନାଗରିକତା ସଂଶୋଧନ ଆଇନ (ସିଏଏ) ଏବଂ ବିଜେପି ସରକାର ଆଣିଥିବା ତିନୋଟି ଅପରାଧିକ ଆଇନ୍କୁ ରଦ୍ଦ କରିବ । ସେହିପରି ସୁପ୍ରିମକୋର୍ଟଙ୍କ ଦ୍ୱାରା ସ୍ଥାପିତ ଆଇନ୍ଗତ ନୀତି କାର୍ଯ୍ୟକାରୀ କରିବା ପାଇଁ ଏହା ଏକ ସ୍ୱତନ୍ତ୍ର ଆଇନ ‘ଜାମନ୍ ହେଉଛି ଏକ ନିୟମ, ଏବଂ ଜେଲ ହେଉଛି ଏହାର ବ୍ୟତିକ୍ରମ’ ପ୍ରଣୟନ କରାଯିବ ।
ଥିରୁଅନନ୍ତପୁରମ୍ ଠାରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇ ଚିଦାମ୍ବରମ୍ ଏପରି କହିଛନ୍ତି । ଚିଦାମ୍ବରମ୍ଙ୍କ କହିବାନୁସାରେ କେରଳର ମହାନ ପୁତ୍ର, ଜଷ୍ଟିସ୍ କୃଷ୍ଣ ଯିଏ ଏହି ନିୟମକୁ ଗୁରୁତ୍ୱ ଦେଇଥିଲେ । “ନିମ୍ନ ନ୍ୟାୟପାଳିକା, ମାଜିଷ୍ଟ୍ରେଟ୍ ଏବଂ ଜିଲ୍ଲା ବିଚାରପତିମାନେ ଏହି ନିୟମକୁ ପାଳନ କରିବା କ୍ୱଚିତ୍ ଦେଖିବାକୁ ମିଳିଥାଏ । ଶେଷରେ ସମସ୍ତେ ଜାମିନ୍ ପାଇବାକୁ ସୁପ୍ରିମକୋର୍ଟ ଯାଇପାରିବେ ନାହିଁ । ଚିଦାମ୍ବରମ୍ କହିଛନ୍ତି ବର୍ତ୍ତମାନ ସମୟରେ ୬୫% କଏଦୀଙ୍କ ବିଚାର ଚାଲିଛି; ସେମାନେ ଦୋଷୀ ନୁହଁନ୍ତି, ତେବେ ସେମାନେ କାହିଁକି ଦୀର୍ଘ ସମୟ ଧରି ଜେଲ୍ରେ ରହିବେ।
ସୁତରାଂ ସ୍ୱତନ୍ତ୍ର ଆଇନ ‘ଜାମନ୍ ହେଉଛି ଏକ ନିୟମ, ଏବଂ ଜେଲ ହେଉଛି ଏହାର ବ୍ୟତିକ୍ରମ’ ପ୍ରଣୟନ ଦ୍ୱାରା ପୁଲିସ୍ କିମ୍ବା ଜେରା ପ୍ରକ୍ରିୟାର ପ୍ରଥମ ୧୫ ଦିନ ମଧ୍ୟରେ ସିବିଆଇ, ଇଡି ଆଦି ତଦନ୍ତକାରୀ ଏଜେନ୍ସିଙ୍କୁ ଜାମିନ ପ୍ରଦାନ କରାଯିବା ଆବଶ୍ୟକ ବୋଲି ସେ କହିଛନ୍ତି । ଏହି ଅବସରରେ ବାମପନ୍ଥୀ ଦଳ ସିପିଆଇଏମ୍ ପକ୍ଷରୁ କଂଗ୍ରେସ ବିରୋଧରେ ଅଣାଯାଇଥିବା ଅଭିଯୋଗକୁ ମଧ୍ୟ ଚିଦାମ୍ବରମ୍ ପ୍ରତ୍ୟାଖ୍ୟାନ କରିଛନ୍ତି । ସିଏଏ ଆଇନ୍ ଉପରେ କଂଗ୍ରେସ କେବେ ବି ଚୁପ୍ ରହିନାହିଁ । କଂଗ୍ରେସ ବାରମ୍ବାର ଏହାକୁ ବିରୋଧ କରିଆସିଛି ଏବଂ କଂଗ୍ରେସ କ୍ଷମତାକୁ ଆସିଲେ ନାଗରିକତା ସଂଶୋଧନ ଆଇନକୁ ରଦ୍ଦ କରାଯିବ ବୋଲି ୟୁପିଏ ସରକାରଙ୍କ ଅଧୀନରେ ୨୦୦୮ ରୁ ୨୦୧୨ ପର୍ଯ୍ୟନ୍ତ କେନ୍ଦ୍ର ଗୃହମନ୍ତ୍ରୀ ଭାବରେ କାର୍ଯ୍ୟ କରିଥିବା ଶ୍ରୀ ଚିଦାମ୍ବରମ କହିଛନ୍ତି । ପ୍ରକାଶ, ନିକଟରେ ସୁପ୍ରିମକୋର୍ଟ ପ୍ରଧାନ ବିଚାରପତି (ସିଜେଆଇ) କେନ୍ଦ୍ର ସରକାରଙ୍କ ତିନି ଅପରାଧିକ ଆଇନ୍କୁ ଐତିହାସିକ ବୋଲି ଉଲ୍ଲେଖ କରିଛନ୍ତି ।
