ନୂଆଦିଲ୍ଲୀ: ଦକ୍ଷିଣ ଇରାକର ପ୍ରମୁଖ ସହର ବସ୍ରାର ଏକ ଷ୍ଟାଡିୟମରେ ଏକ ଫୁଟବଲ ମ୍ୟାଚ୍ ସମୟରେ ଦଳଚକଟା ହୋଇଛି । ଏଥିରେ ଜଣଙ୍କର ମୃତ୍ୟୁ ହୋଇଥିବା ବେଳେ ୬୦ ଜଣ ଆହତ ହୋଇଛନ୍ତି । ନ୍ୟୁଜ୍ ଏଜେନ୍ସି ଏଏଫପି ଏହି ରିପୋର୍ଟ କରିଛି । ସୂଚନା ଅନୁସାରେ ଇରାକ ଏବଂ ଓମାନ ଭିତରେ ଗଲ୍ଫ କପ୍ ଫାଇନାଲ ମ୍ୟାଚ୍ ଦେଖିବାକୁ ଷ୍ଟାଡିୟମ ବାହାରେ ଅସମ୍ଭାଳ ଭିଡ ହୋଇଥିଲା । ବିନା ଟିକେଟରେ ହଜାର ହଜାର ସଂଖ୍ୟାରେ ଲୋକ ମାନେ ଏକାଠି ହୋଇଥିଲେ । ଗୁରୁବାର ସନ୍ଧ୍ୟାରେ ଏହି ମ୍ୟାଚ ଆୟୋଜନ ହୋଇଥିଲା ।
ଷ୍ଟାଡିୟମ ବାହାରେ ଭିଡ଼ ଥିବାରୁ ବିଶୃଙ୍ଖଳା ବ୍ୟାପି ଯାଇଥିଲା । ଦଳାଚକଟା ଆରମ୍ଭ ହେବା ପରେ ଷ୍ଟାଡିୟମର ଫାଟକ ବନ୍ଦ ହୋଇଯାଇଥିଲା, ଯାହା ଫଳରେ ଅଧିକ ଲୋକ ଆହତ ହୋଇଥିଲେ । ସ୍ଥାନୀୟ ଗଣମାଧ୍ୟମର ରିପୋର୍ଟ ଅନୁଯାୟୀ, ପ୍ରଧାନମନ୍ତ୍ରୀ ମହମ୍ମଦ ଶିଆ ଅଲ-ସୁଦାନୀ ପରିସ୍ଥିତିକୁ ସୁଧାରିବା ପାଇଁ ଜରୁରୀ ବୈଠକ କରିଛନ୍ତି । ଯଦି ଆହତମାନେ ନିଶ୍ଚିତ ହୁଅନ୍ତି, ତେବେ ମ୍ୟାଚ୍ ସ୍ଥଗିତ ହେବାର ସମ୍ଭାବନା ରହିଛି । ଇରାକରେ ଅନୁଷ୍ଠିତ ଏହି ଟୁର୍ନାମେଣ୍ଟ ୬ ଜାନୁଆରୀରୁ ଆରମ୍ଭ ହୋଇଥିଲା । ଏହି ଟୁର୍ନାମେଣ୍ଟରେ ସମୁଦାୟ ୮ ଟି ଆରବ ଏବଂ ମଧ୍ୟ ପୂର୍ବ ଦେଶ ଭାଗ ନେଇଛନ୍ତି। ଏମାନେ ହେଲେ ବହାରିନ, କୁଏତ, ଓମାନ, କାତାର, ସାଉଦି ଆରବ ଏବଂ ସଂଯୁକ୍ତ ଆରବ ଏମିରେଟ୍ସ ଏବଂ ୟେମେନ ଏବଂ ଇରାକର ଦଳ । ୧୯୭୯ ପରଠାରୁ ପ୍ରଥମ ଥର ପାଇଁ ଇରାକ ଏଭଳି ଟୁର୍ନାମେଣ୍ଟ ଆୟୋଜନ କରିଛି ।
