ନୂଆଦିଲ୍ଲୀ: ସଂସଦର ସ୍ୱତନ୍ତ୍ର ଅଧିବେଶନରେ ୩ ଗୁରୁତ୍ୱପୂର୍ଣ୍ଣ ବିଲ ଆଗତ ହୋଇଛି । ନାରୀ ଶକ୍ତି ବନ୍ଦନ ଅଧିନିୟମ ସଂଶୋଧନ ବିଲ ଉପସ୍ଥାପିତ କରାଯାଇଛି । ଲୋକସଭାରେ ସୀମା ପୁନଃ ନିର୍ଦ୍ଧାରଣ ବିଲ ୨୦୨୬ ଆଗତ କରାଯାଇଛି । କେନ୍ଦ୍ର ଶାସିତ ପ୍ରଦେଶ ଆଇନ ବା ସଂଶୋଧନ ବିଧେୟକ ୨୦୨୬ ଆଗତ ହୋଇଛି । ଏହି ୩ଟି ବିଲ ଆଗତ କରିଛନ୍ତି ଆଇନ ମନ୍ତ୍ରୀ ଅର୍ଜୁନ ରାମ ମେଘୱାଲ ।ଏହି ସମସ୍ତ ବିଲ ମିଳିତ ଭାବରେ ସୀମା ନିର୍ଦ୍ଧାରଣକୁ ସମନ୍ୱିତ କରିବ । ଲୋକସଭାର ଶକ୍ତିକୁ ବିସ୍ତାର କରିବ । ମହିଳା ସଂରକ୍ଷଣକୁ କାର୍ଯ୍ୟକ୍ଷମ କରିବ ବୋଲି କୁହାଯାଉଛି । ତେବେ ଏହାକୁ ବିରୋଧ କରି ଲୋକସଭାରେ ବିରୋଧୀ ଦଳ ନେତା ରାହୁଲ ଗାନ୍ଧୀ, କଂଗ୍ରେସ ସାଂସଦ କେ.ସି ବେଣୁଗୋପାଳଙ୍କ ସମେତ ବିରୋଧୀ ଦଳ ଭାରତୀୟ ଜନତା ପାର୍ଟି ନେତୃତ୍ୱାଧୀନ କେନ୍ଦ୍ର ସରକାରଙ୍କୁ ସମାଲୋଚନା କରିଛନ୍ତି । ଅପରାହ୍ନ ୩ଟାରେ ଗୃହକୁ ସମ୍ବୋଧନ କରିପାରନ୍ତି ପ୍ରଧାନମନ୍ତ୍ରୀ ।
ମହିଳା ସଂରକ୍ଷଣ ଆଇନ କିମ୍ବା ନାରୀ ଶକ୍ତି ବନ୍ଦନ ଅଧିନିୟମ ଲୋକସଭା ଏବଂ ରାଜ୍ୟ ବିଧାନସଭାଗୁଡ଼ିକରେ ମହିଳାଙ୍କୁ 33 ପ୍ରତିଶତ ସଂରକ୍ଷଣ ପ୍ରଦାନ କରିବା ପାଇଁ ଲକ୍ଷ୍ୟ ରଖିଛି। ଯଦିଓ ଏହା 2023 ମସିହାରେ ଗୃହୀତ ହୋଇଥିଲା ।ସମ୍ବିଧାନ ସଂଶୋଧନ ବିଲ୍ ଡ୍ରାଫ୍ଟ ଅନୁଯାୟୀ, ୨୦୧୧ ଜନଗଣନା ଆଧାରରେ ସୀମା ନିର୍ଦ୍ଧାରଣ ପ୍ରକ୍ରିୟା ପରେ, ୨୦୨୯ ସଂସଦୀୟ ନିର୍ବାଚନ ପୂର୍ବରୁ ମହିଳା ସଂରକ୍ଷଣ ଆଇନକୁ “କାର୍ଯ୍ୟକ୍ଷମ” କରିବା ପାଇଁ ଲୋକସଭା ଆସନ ବର୍ତ୍ତମାନର ୫୪୩ ରୁ ସର୍ବାଧିକ ୮୫୦କୁ ବୃଦ୍ଧି କରାଯିବ। ମହିଳାଙ୍କ ପାଇଁ ୩୩ ପ୍ରତିଶତ ସଂରକ୍ଷଣ ପାଇଁ ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳ ବିଧାନସଭାଗୁଡ଼ିକରେ ମଧ୍ୟ ଆସନ ବୃଦ୍ଧି କରାଯିବ।ଲୋକସଭା ଏବଂ ବିଧାନସଭାରେ ମହିଳାଙ୍କ ପାଇଁ ସଂରକ୍ଷିତ ଆସନଗୁଡ଼ିକ “ଏକ ରାଜ୍ୟ କିମ୍ବା କେନ୍ଦ୍ରଶାସିତ ଅଞ୍ଚଳର ବିଭିନ୍ନ ନିର୍ବାଚନମଣ୍ଡଳୀକୁ ପର୍ଯ୍ୟାୟକ୍ରମେ ଆବଣ୍ଟିତ କରାଯିବ”, ବୋଲି ଲୋକସଭା ସଦସ୍ୟମାନଙ୍କ ମଧ୍ୟରେ ପ୍ରସାରିତ ଡ୍ରାଫ୍ଟ ବିଲ୍ ରେ କୁହାଯାଇଛି।
