ତେଲ କଡେଇରେ ପଡିଗଲା କୁନିଝିଅ; ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି

ଆନନ୍ଦପୁର: କେନ୍ଦୁଝର ଜିଲ୍ଲା ଆନନ୍ଦପୁରରେ ଘଟିଯାଇଛି ଏକ ବଡ ଅଘଟଣ । ଗରମ ତେଲ କଡେଇରେ ପଡିଯିବାରୁ କୁନିଝିଅ ଗୁରୁତର ହୋଇଛନ୍ତି । ବାପାଙ୍କ ପାଖରେ ବସିଥିବା ବେଳେ ହଠାତ ଗରମ କଡେଇରେ ସେ ଖସି ପଡିଥିଲା । ସୂଚନା ଅନୁସାରେ ଘସିପୁରା ଥାନା ଖାଲପାଳ ଗାଁରେ ଏଭଳି ଏକ ଅଘଟଣ ଘଟିଯାଇଛି । ବାପା ଦୋକାନରେ ଛଣାଛଣି କରିବା ସମୟରେ ପାଖରେ ଝିଅ ମଧ୍ୟ ବସିଥିଲା । ତେବେ ଅସାବଧାନତାରୁ ଝିଅଟି ତେଲ କଡେଇ ଭିତରକୁ ଖସିପଡିଥିବା ଜାଣିବାକୁ ମିଳିଛି । ଏହାପରେ ଗୁରୁତର ଅବସ୍ଥାରେ ନାବାଳିକାକୁ ଆନନ୍ଦପୁର ମେଡିକାଲରେ ଭର୍ତ୍ତି କରାଯାଇଛି ।