OnaKhabar

ଶ୍ରମିକ ଦିବସ ପାଳନ ପଛର ଇତିହାସ

ଭୁବନେଶ୍ୱର: ପ୍ରତିବର୍ଷ ମେ ମାସ ୧ ତାରିଖକୁ ଶ୍ରମିକ ଦିବସ ରୂପେ ପାଳନ କରାଯାଏ । ତେବେ ଏହି ଶ୍ରମିକ ଦିବସ ପାଳନ ପଛରେ କଣ ଇତିହାସ ରହିଛି ଆସନ୍ତୁ ଜାଣିବା । ଇତିହାସ ଅନୁସାରେ, ୧୮୬୭ ମସିହାରେ ଇଂଲଣ୍ଡରେ ଟ୍ରେଡ ୟୁନିଅନ କଂଗ୍ରେସ ଗଠିତ ହୋଇଥିଲା । ଆଉ ୧୯୦୧ରେ ହଲାଣ୍ଡରେ ଅନ୍ତରାଷ୍ଟ୍ରୀୟ ଶ୍ରମିକ ସଂଗଠନ ଗଠିତ ହୋଇଥିଲା । ଆଉ ପରେ ଅର୍ଥାତ ୧୯୨୦ ମସିହାରେ ଖ୍ରୀଷ୍ଟିୟାନ ଟ୍ରେଡ ୟୁନିଅନ ଜନ୍ମ ନେଇଥିଲା । ୧୯୬୩ରେ ମଧ୍ୟ ଫିଲିପାଇନ୍ସରେ ଶ୍ରମ ସଂଗଠନ ଗଠନ ହୋଇଥିଲା । ଏହାପରେ ସାରା ବିଶ୍ୱରେ ଶ୍ରମିକମାନେ ଏକଜୁଟ ହୋଇଥିଲେ । ଆଉ ଶପଥ ନେଲେ ଅନ୍ୟାୟ ଅନୀତି ବନ୍ଦ କରାଯାଉ । ଶ୍ରମିକ ଏକତା ଯୋଗୁଁ କେତେକାଂଶରେ ଶ୍ରମିକମାନେ ଉପକୃତ ହେଉଛନ୍ତି । ଆହୁରି ଅନେକ ସମସ୍ୟା ରହିଛି । ଆଜି ହିଁ ମଂଜି ବୁଣାଯାଉ । ଭବିଷ୍ୟତରେ ଗଛ ହେବ । ଫଳ ଫଳିବ । ସେ ଫଳକୁ ଆମେ ହିଁ ଖାଇବା ଓ ଆମେ ସୁଖ ଶାନ୍ତିରେ ରହିବା । ଆସନ୍ତୁ କଣ୍ଠ ଫୁଟାଇ କୁହନ୍ତୁ , ଶ୍ରମିକ ଏକତା ଜିନ୍ଦାବାଦ ।
ଯୁକ୍ତରାଷ୍ଟ୍ରରେ ଶ୍ରମ ଦିବସ ଶ୍ରମିକମାନଙ୍କ ସଫଳତାକୁ ପାଳନ କରିବା ପାଇଁ ବାର୍ଷିକ ଛୁଟିଦିନ । ଶ୍ରମିକ ଦିବସ ଆନ୍ଦୋଳନରେ ଶ୍ରମ ଦିବସର ଉତ୍ପତ୍ତି ରହିଛି । ବିଶେଷ ଭାବରେ ଆଠ ଘଣ୍ଟିଆ ଦିନିକିଆ ଆନ୍ଦୋଳନ, ଯାହା କାର୍ଯ୍ୟ ପାଇଁ ଆଠ ଘଣ୍ଟା, ମନୋରଞ୍ଜନ ପାଇଁ ଆଠ ଘଣ୍ଟା ଏବଂ ବିଶ୍ରାମ ପାଇଁ ଆଠ ଘଣ୍ଟା ପ୍ରଚାର କରିଥିଲା ।

ଅଧିକାଂଶ ଦେଶ ପାଇଁ, ଶ୍ରମ ଦିବସ ଅନ୍ତର୍ଜାତୀୟ ଶ୍ରମିକ ଦିବସ ସହିତ ସମକକ୍ଷ କିମ୍ବା ସଂଯୁକ୍ତ । ଯାହା  ମଇ ୧ରେ ଘଟିଥାଏ । ଅନ୍ୟ ଦେଶମାନଙ୍କ ପାଇଁ ଶ୍ରମ ଦିବସ ଏକ ଭିନ୍ନ ଦିନରେ ପାଳନ କରାଯାଏ । ପ୍ରାୟତ ସେହି ଦେଶରେ ଶ୍ରମିକ ଆନ୍ଦୋଳନ ପାଇଁ ବିଶେଷ ମହତ୍ତ୍ୱ ରହିଥାଏ । ଶ୍ରମ ଦିବସ ଅନେକ ଦେଶରେ ଏକ ସାଧାରଣ ଛୁଟିଦିନ ମଧ୍ୟ । କାନାଡା ଏବଂ ଯୁକ୍ତରାଷ୍ଟ୍ରରେ ଏହି ଛୁଟି ସେପ୍ଟେମ୍ବର ମାସ ର  ପ୍ରଥମ ସୋମବାରରେ ପାଳନ କରାଯାଏ ।