ନୂଆଦିଲ୍ଲୀ: କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କ ପ୍ରୟାଗରାଜ ଗସ୍ତ ବାତିଲ ହୋଇଯାଇଛି । ସୋମବାର ବିଳମ୍ବିତ ରାତିରେ ତାଙ୍କର ଚାର୍ଟାଡ ବିମାନକୁ ବାରାଣସୀରେ ଅବତରଣ କରିବାକୁ ଦିଆଯାଇ ନାହିଁ । ଏହାପରେ ରାହୁଲଙ୍କ ଗସ୍ତ ରଦ୍ଦ ହୋଇଛି । କଂଗ୍ରେସ କହିଛି, ରାହୁଲଙ୍କ ବିମାନ କେରଳର ବାୟନାଡରୁ ଯାତ୍ରାରମ୍ଭ କରିଥିଲା ।
ମାତ୍ର ବିଜେପି ବାବତପୁର ବିମାନ ବନ୍ଦରରେ ଏହାକୁ ଅବତରଣ କରିବାକୁ ଦେଇନାହିଁ । ଏଥିରୁ ଜଣାପଡ଼ୁଛି କଂଗ୍ରେସକୁ ନେଇ ବିଜେପି ଭୟଭୀତ ହୋଇପଡ଼ି ବୋଲି କଂଗ୍ରେସ କହିଛି । ମଙ୍ଗଳବାର ରାହୁଲ କମଳା ନେହରୁ ଟ୍ରଷ୍ଟ୍ ବୈଠକରେ ଯୋଗଦେବାର ଥିଲା ।
