ଉପସାଗରୀୟ ସଙ୍କଟରେ ଫସି ରହିଛନ୍ତି ୨୦ ହଜାରରୁ ଅଧିକ ଭାରତୀୟ ନାବିକ

ନୂଆଦିଲ୍ଲୀ: ଉପସାଗର ଏବଂ ହର୍ମୁଜ ପ୍ରଣାଳୀରେ ବଢୁଥିବା ଉତ୍ତେଜନା ମଧ୍ୟରେ, ୨୦ ହଜାରରୁ ଅଧିକ ଭାରତୀୟ ନାବିକ ଏକ ଗମ୍ଭୀର ସଙ୍କଟର ସମ୍ମୁଖୀନ ହେଉଛନ୍ତି । ନ୍ୟାସନାଲ ୟୁନିଅନ ଅଫ ସିଫରର୍ସ ଅଫ ଇଣ୍ଡିଆ ଚେତାବନୀ ଦେଇଛି ଯେ, ସଂଘର୍ଷ ବୃଦ୍ଧି ପାଇ ବାର ସ୍ଥିତିରେ, ଜାହାଜରେ ନିୟୋଜିତ ଭାରତୀୟ ନାବିକମାନେ ଖାଦ୍ୟ, ଔଷଧ ଏବଂ ସୁରକ୍ଷିତ ସ୍ଥାନାନ୍ତର କରିବାକୁ ସଂଘ କେନ୍ଦ୍ର ସରକାରଙ୍କୁ ଦାବି କରିଛି । ସଂଗଠନ ଅନୁଯାୟୀ, ଉପସାଗର ଅଞ୍ଚଳରେ କାର୍ଯ୍ୟରତ ଭାରତୀୟ ନାବିକମାନେ ନିରନ୍ତର କ୍ଷେପଣାସ୍ତ୍ର ଏବଂ ଡ୍ରୋନ ଆକ୍ରମଣ , ସାଇବର ବିପଦ ଏବଂ ସୁରକ୍ଷା ପ୍ରତିବନ୍ଧକ ମଧ୍ୟରେ କାମ କରୁଛନ୍ତି, ଯାହା ସେମାନଙ୍କର ମାନସିକ ଚାପ ଏବଂ ଭୟକୁ ବୃଦ୍ଧି କରୁଛି । ଏନୟୁଏସଆଇ ସାଧାରଣ ସମ୍ପାଦକ ମିଲିନ୍ଦ କାଣ୍ଡଲଗାଓଁକର କହିଛନ୍ତି ଯେ, ନାବିକମାନଙ୍କ ପରିବାର ସେମାନଙ୍କ ସୁରକ୍ଷା ପାଇଁ ନିରନ୍ତର ଚିନ୍ତିତ । ସେମାନେ ସଂଗଠନକୁ ସାହାଯ୍ୟ ପାଇଁ ଅନୁରୋଧ କରିଛନ୍ତି । ନାବିକମାନେ ଅତ୍ୟନ୍ତ କଠିନ ପରିସ୍ଥିତିରେ ବିଶ୍ୱ ବାଣିଜ୍ୟ ତଥା ଭାରତର ଅର୍ଥନୈତିକ ସୁରକ୍ଷା ସେବା କରିଥାନ୍ତି । ସେମାନଙ୍କୁ ତୁରନ୍ତ ସୁରକ୍ଷା ଆବଶ୍ୟକ ବୋଲି ସମୁଦ୍ରରେ ପ୍ରାୟ ଦୁଇ ଦଶନ୍ଧି ବିତାଇଥିବା କାଣ୍ଡଲଗାଓଁକର ଦାବି କରି କରିଛନ୍ତି । ଭାରତୀୟ ସାମୁଦ୍ରିକ ସ୍ୱାର୍ଥ ଏବଂ ନାବିକମାନଙ୍କ ସୁରକ୍ଷା ସୁନିଶ୍ଚିତ କରିବା ପାଇଁ ଭାରତ ଅପରେସନ ଉର୍ଜା ସୁରକ୍ଷା ଅଧୀନରେ ଉପସାଗରୀୟ ଅଞ୍ଚଳରେ ଏହାର ନୌସେନା ପର୍ଯ୍ୟବେକ୍ଷଣ ଏବଂ ସୁରକ୍ଷା ବ୍ୟବସ୍ଥାକୁ ସୁଦୃଢ କରିଛି ।