ପଶ୍ଚିମବଙ୍ଗ : ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ଆଜି ନିର୍ବାଚନ ପ୍ରଚାର କରିବେ । ହ୍ୱିଲ ଚେୟାରରେ ମମତା ବାନାର୍ଜୀ ଆଜି ନିର୍ବାଚନ ପ୍ରଚାରେ କରିବେ । ନନ୍ଦୀଗ୍ରାମରେ କୁହାଯାଉଥିବା ଆକ୍ରମଣରେ ଆହାତ ହେବା ପରେ ଆଜି ପ୍ରଥମ ଥର ପାଇଁ ସାର୍ବଜନୀକ ଭାବେ ମମତା ବାନାର୍ଜୀ ପ୍ରଚାର ପାଇଁ ମଇଦାନକୁ ଓହ୍ଲାଇବେ । ଆଜି କୋଲାକାତାର ଗାନ୍ଧୀମୁର୍ତ୍ତୀ ଠାରୁ ହଜାରା ପର୍ଯ୍ୟନ୍ତ ଦିଦିଙ୍କ ର୍ୟାଲି ହେବ ବୋଲି ଦଳ ପକ୍ଷରୁ ସୂଚନା ମିଳିଛି ।
ସୂଚନାଯୋଗ୍ୟଯେ, ମମତା ବାନାର୍ଜୀ ୧୦ ମାର୍ଚ୍ଚକୁ ନନ୍ଦୀଗ୍ରାମରେ ନୋମିନେସନ ଫାଇଲ କରିବାକୁ ଗଲାବେଳେ ଆହାତ ହୋଇଥିଲେ । ସେ ଆରୋପ ଲଗାଇଥିଲେ ଯେ, ତାଙ୍କ ଉପରେ ଆକ୍ରମଣ କରାଯାଇଛି । କିନ୍ତୁ ଘଟଣାସ୍ଥଳରେ ଉପସ୍ଥିତ ଥିବା ଲୋକ ମାନେ ଏହାକୁ ଏକ ଦୁୁର୍ଘଟଣା କହିଛନ୍ତି । ନନ୍ଦୀଗ୍ରାମରେ ପ୍ରାଥମିକ ଉପଚାର କରାଯିବା ପରେ ମମତା ବାନାର୍ଜୀଙ୍କୁ ଏସଏସକେଏମ ହସ୍ପିଟାଲ ସ୍ଥାନାନ୍ତର କରାଯାଇଥିଲା ସେଠାରେ ଡାକ୍ତର ମେଡିକାଲ ଟେଷ୍ଟ କରାଇଥିଲେ ଓ ତାଙ୍କ ବାମ ଗୋଡ , କାନ୍ଧ, ହାତରେ ଗମ୍ଭୀର ଆଘାତ ଲାଗିଥିବା ରିପୋର୍ଟରୁ ପ୍ରକାଶ ହୋଇଛି । ତେବେ ଚିକିତ୍ସା ପରେ ତାଙ୍କୁ ୧୨ ମାର୍ଚ୍ଚକୁ ଡିସଚାର୍ଯ କରାଯାଇଥିଲା ।
