ଯାଜପୁର: ଯାଜପୁର ଜିଲ୍ଲା ଆଥଲେଟିକ ଆସୋସିଏସନ୍ ଆନୁକୁଲ୍ୟରେ ଫାଓ ଏବଂ ରାଜ୍ୟ କ୍ରୀଡ଼ା ଓ ଯୁବସେବା ବିଭାଗ ପୃଷ୍ଠପୋଷକତାରେ ବ୍ୟାସନଗର ସ୍ଥିତ ଷ୍ଟାଡିୟମ ଠାରେ ଚାଲୁଥିବା ସି.ଏମ ଟ୍ରଫି ଆନ୍ତଃକ୍ଳବ ଫୁଟବଲର ନବମ ଦିବସରେ ଦୁଇଗୋଟି ଖେଳ ଅନୁଷ୍ଠିତ ହୋଇଥିଲା। ପ୍ରଥମ ଖେଳରେ କଳିଙ୍ଗନଗର ସ୍ପୋର୍ଟସ ଏକାଡେମୀ ୪-୦ ଗୋଲରେ ମଧୁବନ ଫୁଟବଲ କ୍ଳବ୍ କୁ ପରାସ୍ତ କରିଥିଲା। ଏହି ଖେଳରେ ୧୧ ନମ୍ବର ଜର୍ସି ପରିଧାନ କରିଥିବା ରସିକ ପିଙ୍ଗୁଆ ଚିତ୍ତାକର୍ଷକ ଖେଳ ପ୍ରଦର୍ଶନ କରିଥିଲେ। ଦ୍ଵିତୀୟ ମ୍ୟାଚରେ ତ୍ରିଜଙ୍ଗା କ୍ଳବକୁ ୦୧-୦ ଗୋଲରେ ଗୋବରଘାଟି କ୍ଲବର ଶୁଭ ବଦରା ସୁନ୍ଦର ଖେଳ କୌଶଳ ଦେଖାଇ ଦର୍ଶକ ମନମୁଗ୍ଧ କରିଥିଲେ। ଆଜିର ଖେଳରେ ଅତିଥି ଭାବରେ ଆନ୍ତର୍ଜାତୀୟ କ୍ରୀଡାବିତ୍ ପୂର୍ଣ୍ଣିମା ହେମ୍ବ୍ରସ, ଜିଲ୍ଲା କ୍ରୀଡା ଅଧିକାରୀ, ଫକୀର ମୋହନ ଟୁଡୁ, ପୂର୍ବତନ ଖେଳାଳୀ ଭରତ କିସ୍କୁ, ଏ କୈଳାସ ଜେନା ଏବଂ ସୁଧାଂଶୁ ରାଉତ ରାୟ ଯୋଗଦେଇ ଖେଳାଳୀ ମାନଙ୍କୁ ଉତ୍ସାହିତ କରିଥିଲେ। ଶିବ ଡ଼ାଙ୍ଗିଲ, ଉପେନ୍ଦ୍ର ଡ଼ାଙ୍ଗିଲ, ମୁନ ମୁନ ସୀମାତ୍, ରାମବାଲାର ବେଶ୍ରା, ଏବଂ ଦୁଃଖବନ୍ଧୁ ମାଝୀ ଖେଳ ପରିଚାଳନା କରିଥିଲେ।
