ପୁରୀ: ପବିତ୍ର ଦେବସ୍ନାନ ପୂଣ୍ମିମା ଓ ରଥଯାତ୍ରାରେ ସାମିଲ ହେବେ ୭୫ ଘଣ୍ଟୁଆ । ଏନେଇ ବୁଧବାର ଶ୍ରୀମନ୍ଦିର କାର୍ଯ୍ୟାଳୟ ପରିସରରେ ଘଣ୍ଟୁଆ ନିଯୋଗ ସହ ଆଲୋଚନା କରିଛନ୍ତି ମୁଖ୍ୟ ପ୍ରଶାସକ ରଞ୍ଜନ କୁମାର ଦାସ । ଶ୍ରୀ ଦାସନି ଯୋଗର କର୍ମକର୍ତ୍ତାମାନଙ୍କ ସହ ଦୀର୍ଘ ସମୟ ଧରି ଆଲୋଚନା କରିଥିଲେ ।
ବିଶେଷଭାବେ ସ୍ନାନଯାତ୍ରା ଓ ରଥଯାତ୍ରାସମୟରେ ତିନି ରଥରେ କେତେଜଣ ସଂଖ୍ୟକ ଘଣ୍ଟୁଆ ରହିବେ ସେ ନେଇ ମଧ୍ୟ ନିଷ୍ପତ୍ତି ହୋଇଛି । ଫଳରେ ଶୃଙ୍ଖଳିତ ଭାବେ ସ୍ନାନ ଯାତ୍ରା ଓ ରଥଯାତ୍ରା ସୁରୁଖରୁରେ ସମ୍ପନ୍ନ ହେବ ବୋଲି ଆଶା ରଖିଛନ୍ତି ମୁଖ୍ୟ ପ୍ରଶାସକ । ସ୍ନାନଯାତ୍ରା ବିଜେ ଓ ବାହୁଡାପ ହଣ୍ଡି ସମୟରେ ସମୁଦାୟ ୭୫ ଘଂଟୁଆ ରହିବେ ।
ଏଥିସହ ରଥଯାତ୍ରା ଓ ବାହୁଡାଯାତ୍ରାରେ ତିନିରଥ ଚକ ଅନୁଯାୟୀ ପୁରୀ ଓ ଭଟିମୁଣ୍ଡାର ଘଂଟୁଆ ରହିବେ । ତେବେ ୧୬ଚକ ବିଶିଷ୍ଟ ନନ୍ଦିଘୋଷ ରଥରେ ୧୬ଜଣ ଘଂଟୁଆ ସେବକ ରହିବାକୁଥିବା ବେଳେ ଏଥିରେ ୧୦ଜଣ ପୁରୀ ଓ ୬ଜଣ ଭଟିମୁଣ୍ଡାର ଘଂଟୁଆ ରହିବେ।
