ବିହାର : ମୁଖ୍ୟମନ୍ତ୍ରୀ ନୀତିଶ କୁମାର ନିଜ ଦିବଙ୍ଗତ ପତ୍ନୀ ମଂଜୁ ସିହ୍ନା ଙ୍କ ୧୬ ତମ ପୁଣ୍ୟତିଥି ପାଇଁ କଲ୍ୟାଣ ବିଗହା ଗାଁ ରେ ପହଁଚିଥିଲେ । ଏହି ସମୟରେ ମୁଖ୍ୟମନ୍ତ୍ରୀ ଲୋକଙ୍କ ଅନେକ ସମସ୍ୟା ଶୁଣିଥିଲେ । ଏହି ଜନସମ୍ବାଦ କାର୍ଯ୍ୟକ୍ରମ ରେ ଜଣେ ୧୧ ବର୍ଷର ବାଳକ ସୋନୁ କୁମାର ଯାଦବ ପହଁଚିଥିଲେ । ମୁଖ୍ୟମନ୍ତ୍ରୀଙ୍କ ଆଖିରେ ଆଖି ମିଶାଇ କହିଥିଲା, ସାର ପ୍ରଣାମ , ମୋତେ ପଢିବା ପାଇଁ ଉତ୍ସାହିତ କରନ୍ତୁ । ପରିବାର ଲୋକ ପାଠ ପଢିବାକୁ ଦେଉ ନାହାନ୍ତି । ଛୋଟ ପିଲାଟି ଶିକ୍ଷା ର ପରିବର୍ତ୍ତନ ଏବଂ ମଦ୍ୟପାନ ବିଷୟରେ ମୁଖ୍ୟମନ୍ତ୍ରୀ ଙ୍କୁ ଜଣାଇଥିଲା । ସୋନୁ କହିଥିଲା କି ତାର ବାପା ଯାହା ବି କିଛି ରୋଜଗାର କରୁଛନ୍ତି ସବୁ କିଛି ମଦରେ ଖର୍ଚ୍ଚ କରି ଦେଉଛନ୍ତି । ସୂଚନା ଅନୁଯାୟୀ ଷଷ୍ଠ ଶ୍ରେଣୀ ରେ ପାଠ ପଢୁଥିବା ସୋନୁ କୈାଲ ଗାଁ ରେ ରହୁଛି । ସୋନୁ ର ପିତା ରଣବିଜୟ ଯାଦବ ଦୋକାନ କରି ପରିବାର ପ୍ରତିପୋଷଣ କରିଥାନ୍ତି । ଗରିବ ପରିବାର ରେ ଜନ୍ମ ଗ୍ରହଣ କରିଥିବା ସୋନୁ ନୀମା କୈାଲ ମଧ୍ୟ ବିଦ୍ୟାଳୟ ରେ ପାଠ ପଢୁଛି । ଯେଉଁଠି ଶିକ୍ଷକ ମାନେ ମଧ୍ୟ ଭଲ ଗୁଣାତ୍ମକ ଶିକ୍ଷା ଦେବା ଜାଣି ନାହାନ୍ତି । ଶିକ୍ଷାର ଉନ୍ନତି ଏବଂ ମଦ୍ୟ ପାନ ବନ୍ଦ ର ଅସଫଳତା କୁ ଛୋଟ ପିଲାଟି ମୁଖ୍ୟମନ୍ତ୍ରୀ ଙ୍କ ଆଗରେ କହିଛି । ଗଣମାଧ୍ୟମ ସମ୍ମୁଖରେ ସୋନୁ କହିଛି କି , ଯଦି ସରକାର ସହଯୋଗ କରନ୍ତି ତେବେ ମୁଁ ମଧ୍ୟ ପାଠ ପଢି ଆଇଏଏସ ଆଇପିଏସ ବନି ପାରିବ । ସରକାରୀ ବିଦ୍ୟାଳୟରେ ଶିକ୍ଷାର ସ୍ଥିତି ଠିକ ନାହିଁ ବୋଲି କହିଛି ଷଷ୍ଠ ଶ୍ରଣୀ ରେ ପାଠ ପଢୁଥିବା ପିଲା । ତେବେ ଏହି ୧୧ ବର୍ଷ ର ବାଳକ ଷଷ୍ଠ ଶ୍ରେଣୀ ରେ ପାଠ ପଢୁଥିଲେ ମଧ୍ୟ ପଂଚମ ଶ୍ରେଣୀ ଯାଏଁ ନିଜେ ମଧ୍ୟ ପିଲାଙ୍କୁ ପାଠ ପଢାଉଛି । ଯାହା ଦ୍ୱାରା ସେ ନିଜ ଖର୍ଚ୍ଚ ନିଜେ ଉଠାଉଛି । ଏହି ଛୋଟ ପିଲାର ସାହସ ଦେଖି ଅନେକ ନେତା ଆଶ୍ଚର୍ଯ୍ୟ ମଧ୍ୟ ହୋଇ ଯାଇଛନ୍ତି ।