ପ୍ରବଳ ବର୍ଷା: ଗଜପତିରେ ସବୁ ପର୍ଯ୍ୟଟନସ୍ଥଳୀ ବନ୍ଦ

ଗଜପତି: ଗଜପତି ଜିଲ୍ଲାରେ ବନ୍ଦ ରହିବ ସବୁ ପର୍ଯ୍ୟଟନସ୍ଥଳୀ । ପ୍ରବଳ ବର୍ଷାକୁ ଦୃଷ୍ଟିରେ ରଖି ଜିଲ୍ଲାପାଳ ଘୋଷଣା କରିଛନ୍ତି ।ଗଜପତିରେ ଅନେକ ଭୂସ୍ଖଳନ ପ୍ରବଣ ଅଞ୍ଚଳ ଥିବାରୁ, ପ୍ରଶାସନ ଜିଲ୍ଲାର 140 ଟି ଚିହ୍ନଟ ସ୍ଥାନ ଉପରେ ସ୍ୱତନ୍ତ୍ର ନଜର ରଖିଛି । ଲଗାଣ ବର୍ଷାକୁ ଦୃଷ୍ଟିରେ ରଖି ଅଧିକାରୀମାନେ ପରିସ୍ଥିତି ଉପରେ କଡ଼ା ନଜର ରଖିଛନ୍ତି। ଅନ୍ୟପଟେ ଗଞ୍ଜାମ , କନ୍ଧମାଳକୁ ସଂଯୋଗ କରୁଥିବା କଳିଙ୍ଗା ଘାଟିକୁ ମଧ୍ୟ ୨ ଦିନ ନ ଯିବାକୁ ପରାମର୍ଶ ଦିଆଯାଇଛି । ଅବପାତ ପ୍ରଭାବରେ ଭଞ୍ଜନଗରରେ ତୁହାକୁତୁହା ବର୍ଷା ହେଉଛି ।