ମନ୍ତ୍ରୀ ପଦ ସହ ରାଜ୍ୟସଭା ସଦସ୍ୟ ପଦରୁ ଇସ୍ତଫା ଦେଲେ କେନ୍ଦ୍ରମନ୍ତ୍ରୀ ମୁରୁଗନ

ନୂଆଦିଲ୍ଲୀ: ସୂଚନା ଏବଂ ପ୍ରସାରଣ ରାଷ୍ଟ୍ରମନ୍ତ୍ରୀ ଏଲ୍. ମୁରୁଗାନ ତାଙ୍କ କେନ୍ଦ୍ର ମନ୍ତ୍ରୀ ପଦ ଏବଂ ରାଜ୍ୟସଭା ସଦସ୍ୟତାରୁ ଇସ୍ତଫା ଦେଇଛନ୍ତି। ମୁରୁଗାନ ତାଙ୍କ ଇସ୍ତଫାର କାରଣ ଏକ ଏକ୍ସ-ପୋଷ୍ଟରେ ଲେଖି କହିଛନ୍ତି ଯେ ମାନନୀୟ ପ୍ରଧାନମନ୍ତ୍ରୀ ମୋଦୀଙ୍କ ନେତୃତ୍ୱରେ ଭାରତ ମାତା ଏବଂ ତାମିଲନାଡୁର ସେବା କରିବା ତାଙ୍କ ଜୀବନର ସର୍ବୋତ୍ତମ ସମ୍ମାନ। ଜଣେ ଦୈନିକ ମଜୁରିଆଙ୍କ ପୁଅ ଭାବରେ ଆରମ୍ଭ କରି, ମାନନୀୟ ପ୍ରଧାନମନ୍ତ୍ରୀ ମୋଦୀଙ୍କ ନେତୃତ୍ୱରେ କେନ୍ଦ୍ର ମନ୍ତ୍ରୀ ପରିଷଦରେ ସେବା କରିବାର ସୁଯୋଗ ପାଇବା ତାଙ୍କ ଜୀବନର ସର୍ବୋତ୍ତମ ସୌଭାଗ୍ୟ। ଏବେ, ମୁଁ ତୃଣମୂଳସ୍ତରକୁ ଫେରିବାକୁ ଚାହୁଁଛି, ମୋର କର୍ମୀମାନଙ୍କ ସହିତ ଠିଆ ହେବାକୁ ଚାହୁଁଛି ଏବଂ 2029 ଲୋକସଭା ନିର୍ବାଚନ ପୂର୍ବରୁ ତାମିଲନାଡୁରେ ବିଜେପିକୁ ମଜବୁତ କରିବା ପାଇଁ ନିଜକୁ ସମ୍ପୂର୍ଣ୍ଣ ଉତ୍ସର୍ଗ କରିବାକୁ ଚାହୁଁଛି। ପ୍ରଥମେ ଦେଶ। ପରେ ଦଳ। ଶେଷରେ ନିଜକୁ।  ଏଲ୍. ମୁରୁଗାନ୍ ଭାରତୀୟ ଜନତା ପାର୍ଟିର ଜଣେ ବରିଷ୍ଠ ନେତା। ସେ ଜୁଲାଇ ୨୦୨୧ ରୁ ଜୁନ୍ ୨୦୨୪ ପର୍ଯ୍ୟନ୍ତ ମତ୍ସ୍ୟ, ପଶୁପାଳନ ଏବଂ ଦୁଗ୍ଧ ଉତ୍ପାଦନ ରାଷ୍ଟ୍ରମନ୍ତ୍ରୀ ଭାବରେ କାର୍ଯ୍ୟ କରିଥିଲେ। ସେ ୨୦୧୭ ରୁ ୨୦୨୦ ପର୍ଯ୍ୟନ୍ତ ଜାତୀୟ ଅନୁସୂଚିତ ଜାତି କମିଶନ (NCSC) ର ଉପାଧ୍ୟକ୍ଷ ଭାବରେ ମଧ୍ୟ କାର୍ଯ୍ୟ କରିଥିଲେ।