କଟସ୍ପିନର ସ୍ପିନିଂ ୟୁନିଟ୍ ପାଇଁ ନିବେଶ ହେବ ୧୨୪କୋଟି
ଓଡ଼ିଶା ସିଟି ଗ୍ୟାସ୍ ବିତରଣ ନୀତିକୁ ମଞ୍ଜୁରୀ
ଓଡ଼ିଶା ରାଜ୍ୟ ତଥ୍ୟ ନୀତି-୨କୁ ମଞ୍ଜୁରୀ
ଡାଟା ଗଭର୍ଣ୍ଣାସ୍ ଫ୍ରେମଓ୍ବାର୍କକୁ ସଂସ୍ଥାଗତ କରାଯିବ
କାଠଯୋଡ଼ିରେ ନୂଆ ସେତୁକୁ ମଞ୍ଜୁରୀ
ତ୍ରିଶୁଳିଆ ଛକରୁ ଜୁଡ଼ିସିଆଲ୍ ଏକାଡେମୀ ଛକକୁ ସଂଯୋଗ କରିବ
ବର୍ତ୍ତମାନର ସେତୁ ସହ ସମାନ୍ତର ଭାବେ ନିର୍ମାଣ ହେବ
ନୂଆ ସେତୁ ପାଇଁ ଖର୍ଚ୍ଚ ହେବ ୧୫୮କୋଟି ୮୮ଲକ୍ଷ
ଭୁବନେଶ୍ବର: ରାଜ୍ୟ କ୍ୟାବିନେଟର ୩୯ ତମ ବୈଠକ ବୁଧବାର ହୋଇଯାଇଛି । ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ଅଧ୍ୟକ୍ଷତାରେ ଲୋକସେବା ଭବନସ୍ଥିତ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଛି l ବୈଠକ ପରେ ମୁଖ୍ୟ ଶାସନ ସଚିବ ଅନୁ ଗର୍ଗ କ୍ୟାବିନେଟ ବୈଠକରେ ନିଆଯାଇଥିବା ନିଷ୍ପତ୍ତି ସମ୍ପର୍କରେ ଗଣମାଧ୍ୟମକୁ ସୂଚନା ଦେଇଥିଲେ l ବୈଠକରେ ୮ ଟି ବିଭାଗର ୮ ଟି ପ୍ରସ୍ତାବ ଆଲୋଚନା ପୂର୍ବକ ଅନୁମୋଦନ କରାଯାଇଛି l
ଗୁରୁତ୍ବପୂର୍ଣ୍ଣ ପ୍ରସ୍ତାବ ଗୁଡ଼ିକ ହେଲା, ଶିଳ୍ପ, ଇଲେକ୍ଟ୍ରୋନିକ୍ସ ଓ ସୂଚନା ପ୍ରଯୁକ୍ତି ବିଦ୍ୟା, ଗୃହ ନିର୍ମାଣ ଓ ନଗର ଉନ୍ନୟନ, ପୂର୍ତ୍ତ(ନିର୍ମାଣ), ବାଣିଜ୍ୟ ଓ ପରିବହନ, ରାଜସ୍ବ ଓ ବିପର୍ଯ୍ୟୟ ପରିଚାଳନା, ସାଧାରଣ ପ୍ରଶାସନ ଓ ସାଧାରଣ ଅଭିଯୋଗ ଏବଂ ସ୍ୱାସ୍ଥ୍ୟ ଓ ପରିବାର କଲ୍ୟାଣ ଆଦି ପ୍ରତ୍ୟେକ ବିଭାଗରୁ ୧ଟି ଲେଖାଏଁ ପ୍ରସ୍ତାବ ଆଗତ ପୂର୍ବକ ସମସ୍ତ ପ୍ରସ୍ତାବଗୁଡିକ କ୍ୟାବିନେଟ ବୈଠକରେ ଅନୁମୋଦନ କରାଯାଇଛି l ବଲାଙ୍ଗିରରେ ମେସର୍ସ ଶ୍ରୀ ଅମ୍ବିକା କଟସ୍ପିନର ସ୍ପିନିଂ ୟୁନିଟ୍ ସ୍ଥାପନ ପ୍ରସ୍ତାବକୁ ମଞ୍ଜୁରୀ । ଭୁବନେଶ୍ବର – ପଶ୍ଚିମ ଓଡ଼ିଶାର ଶିଳ୍ପ ପରିବେଶକୁ ସୁଦୃଢ଼ କରିବା ପାଇଁ ଏକ ଗୁରୁତ୍ବପୂର୍ଣ ପଦକ୍ଷେପ ସ୍ବରୂପ, ରାଜ୍ୟ କ୍ୟାବିନେଟ୍ ଶ୍ରୀ ଅମ୍ବିକା କଟସ୍ପିନ୍ ପ୍ରାଇଭେଟ୍ ଲିମିଟେଡ୍ ଦ୍ବାରା ବଲାଙ୍ଗୀର ଜିଲ୍ଲାରେ ଏକ ଅତ୍ୟାଧୁନିକ ସୂତା ଉତ୍ପାଦନ (ସୂତା) ୟୁନିଟ ପ୍ରତିଷ୍ଠା କରିବା ପାଇଁ ଏକ ପ୍ରସ୍ତାବକୁ ଅନୁମୋଦନ କରିଛନ୍ତି I ଏହି ପ୍ରକଳ୍ପରେ ମୋଟ ୧୨୪ କୋଟି ନିବେଶ ହେବ ଏବଂ ଏହା ବଲାଙ୍ଗିର ଏବଂ ସମଗ୍ର KBK ଅଞ୍ଚଳରେ ଶିଳ୍ପ ଅଭିବୃଦ୍ଧିର ଏକ ମୂଳଦୁଆ ହେବାକୁ ପ୍ରସ୍ତୁତ ପୁଞ୍ଜି ଯୋଗାଣ ବ୍ୟତୀତ, ଏହି ୟୁନିଟ୍ ୩୦୦ ଜଣଙ୍କ ପାଇଁ ସିଧାସଳଖ ନିଯୁକ୍ତି ସୃଷ୍ଟି କରିବ ବୋଲି ଆଶା କରାଯାଉଛି ।
ଓଡ଼ିଶା ସିଟି ଗ୍ୟାସ୍ ବିତରଣ (CGD) ନୀତିକୁ କ୍ୟାବିନେଟ୍ର ମଞ୍ଜୁରୀ । ରାଜ୍ୟରେ ସ୍ବଚ୍ଛ ଓ ସୁଦୂରପ୍ରସାରୀ ଶକ୍ତିର ବ୍ୟବହାରକୁ ବ୍ୟାପକ କରିବା ପାଇଁ ଓଡ଼ିଶା କ୍ୟାବିନେଟ୍ ‘ଓଡ଼ିଶା ସିଟି ଗ୍ୟାସ୍ ଡିଷ୍ଟ୍ରିବ୍ୟୁସନ୍ (CGD) ନୀତି’କୁ ଅନୁମୋଦନ କରିଛନ୍ତି। ଏହି ନୀତି ଦ୍ବାରା ସାରା ରାଜ୍ୟରେ ପାଇପଡ୍ ନାଚୁରାଲ୍ ଗ୍ୟାସ୍ (PNG) ଏବଂ କମ୍ରେସଡ୍ ନାଚୁରାଲ୍ ଗ୍ୟାସ୍ (CNG) ଭିତ୍ତିଭୂମିର ସମ୍ପ୍ରସାରଣ ତ୍ବରାନ୍ବିତ ହେବ, ଯାହା ଜାତୀୟସ୍ତରର ସ୍ବଚ୍ଛ ଇନ୍ଧନ ଅଭିଯାନ ସହ ସାମଞ୍ଜସ୍ୟ ରକ୍ଷା କରିବା । ପାଇପଡ ନାଚୁରାଲ୍ ଗ୍ୟାସ୍ (PNG) ଏବଂ କମ୍ରେସଡ୍ ନାଚୁରାଲ୍ ଗ୍ୟାସ୍ (CNG) ଭିତ୍ତିଭୂମି ପାଇଁ ଏକ ସ୍ପଷ୍ଟ ତଥା ଦକ୍ଷ କାର୍ଯ୍ୟଖସଡ଼ା ପ୍ରସ୍ତୁତ କରିବା। ସିଟି ଗ୍ୟାସ୍ ଡିଷ୍ଟ୍ରିବ୍ୟୁସନ୍ ପ୍ରକଳ୍ପଗୁଡ଼ିକୁ ନିର୍ଦ୍ଧାରିତ ସମୟ ମଧ୍ୟରେ ଶେଷ କରିବ ।
ସେହିଭଳି କଟକ ସହରରେ କାଠଯୋଡି ନଦୀ ଉପରେ ବର୍ତ୍ତମାନର ସେତୁ ସହ ସମାନ୍ତର ଭାବରେ ଉପର ପ୍ରବାହ ପକ୍ଷରେ ନୂତନ ସେତୁ ନିର୍ମାଣ କରାଯିବା ପାଇଁ ସ୍ଥିର କରିଛନ୍ତି । ଯାହା ତ୍ରିଶୁଳିଆ ଛକକୁ ଜୁଡିସିଆଲ୍ ଏକାଡେମୀ ଛକ ସହିତ ସଂଯୋଗ କରିବ । ନୂଆ ସେତୁ ପାଇଁ ଖର୍ଚ୍ଚ ହେବ ୧୫୮କୋଟି ୮୮ଲକ୍ଷ । ତଥ୍ୟ ପରିଚାଳିତ ପ୍ରଶାସନକୁ ସୁଦୃଢ଼ କରିବା ଏବଂ ଡିଜିଟାଲ ରୂପାନ୍ତରଣ ଦିଗରେ ଏକ ଗୁରୁତ୍ବପୂର୍ଣ ପଦକ୍ଷେପ ସ୍ବରୂପ ଆଜି ରାଜ୍ୟ କ୍ୟାବିନେଟ ଓଡ଼ିଶା ରାଜ୍ୟ ତଥ୍ୟ ନୀତି ୨ କୁ ମଞ୍ଜୁରି ଦେଇଛନ୍ତି I ଏହି ନୀତିର ଉଦ୍ଦେଶ୍ୟ ହେଉଛି ସମଗ୍ର ଡାଟା ଜୀବନଚକ୍ରରେ ଏକ ବ୍ୟାପକ ଏବଂ ସୁଦୃଢ଼ ଡାଟା ଗଭର୍ଣ୍ଣାନ୍ସ ଫ୍ରେମୱାର୍କକୁ ସଂସ୍ଥାଗତ କରିବା ଏବଂ ରାଜ୍ୟ ସରକାରଙ୍କ ବିଭାଗ ଏବଂ ସମ୍ପୃକ୍ତ ସଂଗଠନଗୁଡ଼ିକ ଦ୍ବାରା ଉତ୍ପନ୍ନ ଡାଟାର ସଠିକ ବ୍ୟବହାର କରିବା।
