ଲୋକସେବା ଭବନରେ ‘ବନ୍ଦେ ମାତରମ’ ଗାନ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର: ଆଜି ୭ ତାରିଖରେ  ମୁଖ୍ୟମନ୍ତ୍ରୀ ମୋହନ ମାଝୀ ଲୋକସେବା ଭବନରେ ବନ୍ଦେ ମାତରମ ଗାନ କରିଛନ୍ତି ।  ତାଙ୍କ ସହିତ ରାଜ୍ୟର ମୁଖ୍ୟ ଶାସନ ସଚିବ  ମନୋଜ ଆହୁଜା  ଏବଂ ବିଭିନ୍ନ  ବିଭାଗର ସଚିବ ମଧ୍ୟ   ଏହି ବିଶେଷ କାର୍ଯ୍ୟକ୍ରମରେ  ଉପସ୍ଥିତ ରହି ବନ୍ଦେ ମାତାରମ ଗାନ କରିଛନ୍ତି ।  ଏହାଛଡା ଲୋକସେବା ଭବନରେ  କର୍ମଚାରୀମାନେ  ମଧ୍ୟ ଏଥିରେ ସାମିଲ ହୋଇଥିଲେ ।  ଏଣୁ ଆଜି ରାଜ୍ୟର ସମସ୍ତ ବିଦ୍ୟାଳୟ, ମହାବିଦ୍ୟାଳୟ ଓ ବିଶ୍ୱ ବିଦ୍ୟାଳୟରେ ଛାତ୍ରଛାତ୍ରୀମାନେ ବନ୍ଦେ ମାତାରମ ଗାଇବେ । ଏନେଇ ଓଡିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ପକ୍ଷରୁ  ବିଦ୍ୟାଳୟ ଓ ଗଣଶିକ୍ଷା ଏବଂ ଉଚ୍ଚଶିକ୍ଷା ବିଭାଗକୁ ଚିଠି ଲେଖିଥିଲା ।  ବନ୍ଦେ ମାତାରମର ୧୫୦ ବର୍ଷ ପୂର୍ତ୍ତି  ଉପଲକ୍ଷେ ଏଭଳି ନିଷ୍ପତ୍ତି ନିଆଯାଇଛି ।  ଆମର ଜାତୀୟ ଗୀତି ଭାବେ ସ୍ୱୀକୃତ ବନ୍ଦେ ମାତରମ ଗୀତଟିର ରଚୟିତା ହେଉଛନ୍ତି  ବଙ୍କିମ ଚନ୍ଦ୍ର ଚାଟୋପଧ୍ୟାୟ । ଏହି ଗୀତଟି ତାଙ୍କ ଲିଖିତ  ଆନନ୍ଦ ମଠ ପୁସ୍ତକରେ ସଂଯୋଜିତ ଥିଲା ।  ଏହି ପ୍ରସିଦ୍ଧ ଗୀତଟି  ୧୮୭୫  ମସିହା ସେପ୍ଟେମ୍ବର ୭ ତାରିଖରେ ଲେଖା ଯାଇଥିଲା । ୧୮୮୨ ମସିହାରେ  ଗୀତଟି ପ୍ରକାଶ ପାଇଥିଲା । ୧୯୫୦ ମସିହା ଜାନୁଆରୀ ୨୪ ତାରିଖରେ ଗୀତଟିକୁ ଜାତୀୟ ଗୀତି ଭାବେ ଚୟନ କରାଯାଇଥିଲା ।